Arrosa sareak Basaburuan egingo ditu aurtengo topaketak, Esan Erran irratiaren eskutik
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz gogoetatzeko. Arrosa bizirik dago".
Hogeitasei kide ditu Arrosa sareak, eta urteroko ohiturari jarraiki, topaketak egingo dituzte. XI. jardunaldiotan, goizeko 11etan jarri dute hitzordua, Jauntsarasko Apeztegiberri ostatuan, eta kafea hartu ostean, bi taldetan banatuko dira. Dialeko azkenak dokumentalaren aurre-estreinaldia eta solasaldia izango da batean; Esan Erran irratiaren 25 urteen ingurukoa da dokumentala. Beste taldeak irratiaren automatizazioari buruzko tailerra jasoko du. Poteoa, herri bazkaria eta karaokea izango dira ondoren. Bazkarian izena emateko, 619 643 126 telefonora deitu edo idatzi behar da, apirilaren 10a baino lehen.
“Euskal Herrian bada zer entzun!” aldarrikatuz hogei urte baino gehiago egin dituzte dagoeneko Arrosa sareko irratiek. Sare honetan, askotariko irratiak biltzen dira: irrati libreak, udal irratiak, (herrialdeko irratiak) eskualde mailakoak, irrati nazionalak… "Guztiok barnebiltzen gaituena, baina, euskara da. Gure irratietan euskararen presentzia elkarlanari esker areagotu eta bultzatzeko helburuak batzen gaitu", diote. Nabarmendu dute Zebrabidea magazina egiten jarraitzen dutela (astelehenetik ostiralera, arratsaldero), Euskal Herri osora begira ekoizten den interes orokorreko magazina, Ekhine Zapiain eta Sara Iriartek gidatuta.
Euskararen egoera eskualdean zehar desberdina izan arren, Esan Erran, bere txikitasunetik, bailarako hizkuntza paisaia euskalduntzeko lanean ari da
Esan Erran
Herritar talde batek auzolanean euskara hutsean emitituko zuen irrati txikia martxan jarri eta hala sortu zen Esan Erran, 1998an. Zazpi udalerrik osatzen dute Esan Erranen eskualdea: Imotz, Basaburua, Ultzama, Atetz, Odieta, Anue eta Lantz. “Eta, euskararen egoera eskualdean zehar desberdina izan arren, Esan Erran, bere txikitasunetik, bailarako hizkuntza paisaia euskalduntzeko lanean ari da urteetan”, azpimarratu dute Arrosako kideek.
2012an, Nafarroako Gobernuak dirulaguntzak moztu zizkion, irratiko langile bakarra langabeziara joan zen eta irratia isiltzeko saiakeratzat hartu zuten. Horren ondoren, gazte talde batek asteroko saioak egiten mantendu zuen emisioa. 2013. urtean, laguntza ekonomikorik gabe baina ilusioz, emisio probak berriro abiatu eta urte bukaerarako 24 orduz eta asteko zazpi egunetan emititzen hasiak ziren.
Martxoaren 4an, Oreretan egingo ditu Arrosa Sareak aurtengo Topaketak, bertako Zintzilik irrati librearen eskutik. Elkarrekin egoteko parada izateaz gain, “gure presentzia aldarrikatzeko” eguna ere izango da, Aitziber Zapirain sareko kideak ARGIAri kontatu dionez.
Tailerrak eta mahai-inguruak, dokumental estreinaldia zein kontzertuak egin zituzten larunbatean Iurretako Abadetxean, Bizkaian. Topaketa berezia izan da aurtengoa, hogei urte egin baititu Arrosa sareak.
Azaroaren 6an egingo dira Arrosaren IX. Topaketak, Iurretan, jaio berria den Laixiar irratia anfitrioi dela. Edizio berezia izango da, irrati libreen sareak 20 urte bete baititu aurten.
Pandemia dela eta, bi urte topaketarik egin gabe izan ostean, Iurretan azaroaren 6an berriz elkartuko dira Euskal Herriko 25 irratik osatzen duten Arrosa Sareko kideak. Topaketak elkarrekin ikasi, hausnartu eta elkar ezagutzeko baliatzeaz gain, aurtengo edizioak beste helburu... [+]
Euskal Herriko irrati libreak elkartzen dituen sareak bi hamarkada bete ditu ekainean, irrati-ekosistema gertukoa, askotarikoa eta euskalduna indartzen. Elkar-laguntza dute oinarri.
Lankidetzarako eta herrien garapenerako Bizilur elkarteak bi astean behin saioa egiten du Bilboko 97 irratian. Elikadura burujabetzaren bueltan sortzen diren proiektu alternatiboak ezagutzera ematen dituzte bertan, ikuspegi feminista eta internazionalista landuz.
Larunbatean aurkeztu zuen Hala Bedik, Arabako Komunikabide Libreak, 2020-2021 ikasturterako programazio berria. Ohiko magazinetaz gain, 43 irratsaio propio eskainiko ditu Hala Bedik, internet bidez eta 107.4 FM eta 107.7 FM kanaletan.
Ikasturte honetan Urretxu eta Zumarraga artean izango dira Arrosa Jardunaldiak. Bertan, hitzaldiak, bazkari mundiala, bazkal osteko kuña lehiaketa eta furor, herri poteoa eta kontzertuak izango dira, Chaval valentziarrak eta Donostiako Arrotzak hirukotea. Topaketei... [+]