Ziordiako kasuak bertziklapenaren negozioari buruzko eztabaida hauspotu du
Nafarroako Ziordia komunikabide askotan agertu da astelehenaz geroztik. Gurelur taldeak Ekotrade enpresa pabiloi zahar batean Gipuzkoan eta ziurrenik EAE osoan batutako berrerabiltzeko arropa isurtzen dabilela salatu zuenetik. Pabiloia, N-1 errepideko 392. kilometroan, 2013tik hutsik dago, konposta egiten zuen enpresa batena izandakoa da, ordea.
Toño Munilla Gurelurreko bozeramaleak gertaera gaitzetsi du, jendearen "sentsibilitate ekologikoarekin" jolasean dabiltzala argudiatuta. Salatu du jendeak borondate onez ematen duen arropa "legez kanpo" bota dutela, eta horren kontura negozioa egiten ari direla, "mafia italiarren" antzera.
Joan den urteko irailetik zuten susmoa Ziordiako herritarrek pabiloi horretan arropa pilatzen zebiltzala, kamioien joan-etorriak ikusi baitzituzten. Udal bilkurara ere heldu zen kontua, eta Nafarroako Foruzaingoari abisua pasatu zioten. Azaroaren 14an arropa zeraman Ekotradeko kamioi bat gelditu zuen Poliziak. Enpresak "logistika arazo bat" argudiatu zuen.
Oraingoan, Gurelur taldekoak izan dira isurketa salatu dutenak. Taldeko kide batek kamioi bat ikusi zuen herriko pabiloian eta hari jarraituta Ekotradeko egoitzara heldu ziren, Astigarragara.
Ekotradek, bere aldetik, arropen berziklapeneko zerbitzurik eskaintzen ez duela adierazi du, eta Gurelurrek salatutako gertaera garraio enpresetako baten "akatsa" izan zela. Argia enpresarekin harremanetan jarri da, baina ez du beste adierazpenik eman nahi izan, kasua abokatuen esku utzi baitu. Gurelurrek adierazpen horiek ezeztatu ditu, dagoen arropa kantitatea ez dela behin egindako isurketa baten ondorio, "kantitateak erakusten du aspaldi botatako arropa dagoela" ondorioztatu dute.
Arropa hori nondik datorren ez dute argitu Ekotradek edo Gurelurrek. ARGIAk hitz egin du Gipuzkoan berrerabiltzeko arropa gehien jasotzen duen enpresarekin, Kooperarekin, eta Ekotraderekin ez dutela inongo harremanik argitu dute.
Parez pare
Datorren astelehenean, martxoaren 9an deitu ditu Ekotradek Gurelurreko kideak Astigarragara, enpresaren instalazioak ezagutu eta lana nola egiten duten ikusi dezaten. Gurelurrek eta Ziordiako Udalak pabiloia garbitzean jarri dute lehentasuna, eta hori eskatu diote enpresa eta Nafarroako administrazioari. "Ekotradek egin dezakeen zentzudunena akatsa onartzea da, garrantzitsuena hau konpontzea baita", dio Toño Munilla Gurelurreko bozeramaleak.
Arropa bertatik kendu eta pabiloia zarratzea eskatu du Gurelurrek, teilatua erortzeko arriskuan baitago. Inguruetako jendea arropa bila joan dela adierazi dute, eta "ezbeharren bat gerta daiteke".
Gizarte presioa
Gurelur pozik azaldu da hedabideetatik zein gizartetik gaiari ematen ari zaion erantzunagatik. "Gizarte presioa dagoenean hasten dira mugitzen administrazioak", dio Munillak. Adibidez, Gipuzkoako Foru Aldundiak azalpenak eskatu ditu egunotan. Ingurumen departamenduak Gipukoako mankomunitateei informazioa eskatu die, "ehunen gaikako bilketaren enpresa esleipenduna eta bildutakoaren xedea zein den" jakiteko.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]