Arropa jasotzeko eta birziklatzeko lanik ez duela egin dio Ekotradek
Gurelur talde ekologistaren salaketaren ostean, begirada guztiak Astigarragako Ekotrade enpresari begira jarri dira. Moyua taldeko enpresak, gaztelania hutsean, zabaldutako oharrean dio, herritarren arropa jaso edo birziklatzeko inolako zerbitzutan ez duela parte hartu.
Bost puntutako prentsa oharrean Ekotrade RDC'S enpresak Ziordiako arropa isurketarekin inolako lotura zuzenik ez duela argitu nahi izan du. Batetik dio haien zeregina eraikuntzaren hondakinak kudeatzea dela. Nahiz eta hedabideetan bestelako hondakinak kudeatzeko proiektuetan parte hartu duen enpresak. Adibidez, Donostiako Anoeta estadioko pipa-azalak jaso eta konpost bilakatzeko Anoetatik Gipuzkoako Baratzetara ekimenean kolaboratzailea zen.
Garraiobide propiorik, kamioirik, ez dutela eta beraz, hondakinen garraioa beste enpresa batzuek egiten dutela adierazi du enpresak oharrean. Argitaratu diren "ustezko isurketaren datetan Ekotradek kontratatutako garraio bat bera ere ez da Ziordiara hurbildu" argi utzi nahi izan dute. Baina, hori bai, iaz "gertakari puntuala" gertatu zela Ziordian, baina garraio enpresetako baten "akatsaren" ondorioz, eta hala jakinarazi zietela Nafarroako Gobernuko zerbitzuei. Edozelan ere, garraioen inguruan emandako informazio horrek talka egiten du Ekotradek bere webgunean bertan iragartzen duen eskaintzarekin . "Mota guztietako 16 kamioi ditugu: garabidunak, katedunak, kakodunak, iraulki-kamioiak, zabor-kamioiak…".
Zehaztu ez duten zenbait hedabidetan argitaratutako informaziekin kexu agertu dira, Ziordiako pabiloiak Ekotrade enpresarekin "loturarik ez" duelako. Pabiloi horretan mota guztietako hondakinak daudela diote (adarrak, hesi-hondarrak, bidoiak, plastikoak, koltxoiak, altzariak, artilea, etab.), "erabilitako arropa baina askoz gehiago". Eta hori ziurtatzeko argazkiak egin dituztela pabiloian bertan eta administrazioari emango dizkiotela "kontrolgabeko zabortegi" horren aurka neurriak hartzeko.
Birziklatzeko arroparen munduarekin lotura oro ezeztatu dute. Ekotradek ehunak jasotzeko edota birziklatzeko zerbitzurik ez duela egiten ari azpimarratu dute, eta ez duela horrelako materialak jasotzeko kanpainetan parte hartu. Edozelan ere, ARGIAk egiaztatu duenez, Eusko Jaurlaritzak hondakinak kudeatzeko baimendutako enpresen zerrendan, Ekotraderi baimendutakoen artean dago arropari dagokiona.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
