Arrigorriagan hildakoarekin, zortzi langile hil dira Euskal Herrian urte hasieratik
Otsailaren 21ean gertatu zen istripua Arrigorriagako Conformados Facme enpresan eta, horren ondorioz, 51 urteko langilea hil da. Protesta eta dolu gisa, enpresa itxita izan da azken bi egunetan, langileek hala erabakita. Astelehenean ere bi zauritu izan ziren Amurrioko Tubos Reunidosen egondako istripuan.
Istripua arratsaldeko lehen orduetan gertatu zen eta, Osalanek adierazitakoaren arabera, lanean ari zen prentsa hidrauliko baten pieza bat askatu eta indarrez kolpatu zuen langilea bularrean. Gurutzetako Ospitalera eraman zuten eta han hil zen ordu batzuk geroago.
Langileak 51 urte zituen eta bi hamarkada zeramatzan lanean enpresa horretan. Langile Sindikal Batasuneko afiliatua zen. Sindikatu horrek lan ikerketa sakona eskatu du, istripua nola gertatu den jakiteko, eta doluminak erakutsi dizkie senitartekoei eta gainerako langileei.
ELAk salatu duenez, prekarietatea eta prebentzioaren alorrean “enpresaburuek egiten duten inbertsio falta kokatu behar dira halako lan heriotzen atzean”. Eusko Jaurlaritza ere salatu du sindikatuak, “ez duelako, bitarteko eraginkorrik jartzen lan ezbeharren benetako gizarte gaitz dienei aurre egiteko”.
LABen aburuz, “enpresak makinen araudia ez betetzeagatik hil da langilea. Prentsa baten manipulazioan pieza bat jaurtikita ateratzeak segurtasun bitartekoen falta adierazten du. Makina batek eragiten dituen arrisku guztiak aurreikusirik egon behar dute eta arrisku horietako bakoitzarentzako neurriak hartu behar dira”.
Astelehenean bi zauritu Tubos Reunidosen
Otsailaren 20an ere Pine Instalaciones y Montajes enpresako bi langilek istripua izan zuten Amurrioko Tubos Reunidos lantegian lanean ari zirela. Horietako langile bat Gurutzetako Ospitalera eraman zuten erredura larriekin, eta bizia galtzeko arriskuan ez badago ere, ondorio larriak izango ditu eta sendatze prozesuak luze joko du. Beste langilearen zauriak arinagoak izan ziren eta lantegian bertan egindako sendaketen ondoren etxera bidali zuten.
Istripua salatu eta lankideei elkartasuna agertzeko, Pine Instalaciones y Montajeseko enpresa batzordeak bilkura egingo du ostiral honetan, 14:30ean Zamudioko Ugaldeguren II industrialdean.
Urtea hasi denetik zortzi langile hil dira Euskal Herrian lanean ari zirenean, asteazken honetan Donibane Lohizunen ikasle batek gelan labankadaz hil zuen irakaslea ere kontuan hartuta.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]