Arregi eta Berruetaren senitartekoek biktimekiko errespetua eta aitortza exijitu dute Parlamentuan
Erail zituzteneko "egun latzak" ekarri dituzte gogora eta justiziak "bidegabe" jokatu duela nabarmendu dute.
Mikel Arregi 1979ko azaroaren 11ean hil zuten Guardia Zibilek Etxarri Aranatzen, eta bertsio ofizialak esan zuen kontrol bati ihes egin ziola. Garaiko ikerketa batzorde batek argi utzi zuen bertsio hura gezurra zela. Epaitegiek gainera baieztatu zuten hori. Dena dela, egileei bi hilabeteko zigorra ezarri zieten.
Arregiren arrebak, Txaro Arregik azaldu du gertaera. Ziorditik Lakuntzara itzultzen ari zen Mikel autoz lau lagunekin batera. Guardia Zibilek tirokatu zuten. Garaiko lekuko ugariren arabera, guardia zibilek kontrola kenduta zuten ordurako. Handik gertu zen anbulantzia bateko gidariak ere lekukotasun hori eman zuen.
Gertaera hark familiari eragindako mina handia izan dela jakinarazi du Txaro Arregik. Esan du, haren ama egun hartan hil zela, Mikelen hilketaren kolpea ez zuelako gainditu. Parlamentura joatearen helburuetako bat bete dutela uste du Mikel Arregiren arrebak. Herritarrei jakinaraztea zer gertatu zen duela 35 urte.
Erasoak monolitoari
Arregiren omenez Jose Ramon Anda artistak eskultura egin zuen, Sakanako kooperatibaren laguntzaz. Urtebeteko lasaitasuna baino ez zuela izan aitortu dute senitartekoek. Hainbat lehergailu jarri zituzten ezezagunek, eskultura eraitsi asmoz.Urte luzez egin dute eraso bere memoriaren aurka Iosu Imaz Mikel zenaren lagunak esan duenez.
Parlamentariek babesa eta elkartasuna eskaini diete
Alderdi guztien ordezkariek elkartasuna adierazi diete Mikel Arregiren senitartekoei. Bilduk, Aralarrek eta Izkierda-Ezkerrak eskatua zuten lan saioa. Estatuaren indarkeriaren adibide dela nabarmendu dute eta egia azaleratuko duen ikerketa baten beharraz ohartarazi. Parlamentua egituratzen ari den lege berrirako baliagarria den lekukotasuna dena nabarmendu dute, edozein indarkeria pairatu duten biktimen aitortza ekartzeko.
PSNk babesa eskaini die, baina gaineratu du, ezer gutxi egin daitekeela gaudenetan egonda. UPNko eledunak elkartasuna adierazi die eta nabarmendu du inoiz gertatu behar ez zen hilketa izan zela Mikel Arregirena.
Hamaika urte Angel Berruetaren hilketaz
Madrilgo 2004ko martxoaren 11ko atentatuen ondotik, bi egunera izan zen Angel Berrueta Donibane auzoko okinaren hilketa. Egun hartan, eguerdian Berruetaren alargun Mari Carmen Mañasek denda utzi zuen eta etxean zela ondoko denda bateko dendari batek deitu zion ordu laurdenera. Berehala itzultzeko okindegira esan zion, tiro batzuk egon zirela. Hasieran, lapurreta izan zela uste zuten, baina polizia eta anbulantzia kopuruak ikusita zerbait larriagoa bazela sumatu zuen. Hala azaldu du Mañasek. Gaineratu du, okindegian sartzen ez ziotela utzi. Kaotikoak izan zirela ordu haiek. Ospitalera joan bitartekoak batez ere. Ospitalean ere ordu asko igaro ziren, mediku batek gertatutakoa azaldu zien arte.
Etengabeko mehatxuak izan dituzte senitartekoek
Berrueta aihotz batek eragindako zauriengatik eta ondorengo tiroek eragindakoengatik hil zen. Alargunak herritarren babes zabala goraipatu du. Beste aldetik salatu du mehatxuak jaso zituztela hasieratik: telefono dei ugari eta okindegian pintaketa eta idazki asko. Erakundeetatik jaso ez duten babesa ere azaleratu dute. Mañasek gogoan ekarri du "justizia erdizka" jaso dutela.
Berruetaren alabak hartu du azkenik hitza. Parlamentariei eskatu die Parlamentuak ezein biktima ez baztertzea, bestela zauriak ez direlako itxiko. Biktimen aitortza eskatu du, guztien artean egiaren oihal kolektiboa josteko.
Parlamentuko ordezkariek kasu honetan ere, Mikel Arregirenarekin bezala, elkartasuna eta babesa eskaini diete senitartekoei.
Lizentzia libreei esker Euskalerria Irratiaren webgunetik ekarritako albistea
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
Plataformak adierazi du "sentsibilitate eta iritzi guztiak errespetatuz" Guardia Zibilaren ekintzak gaitzesteko asmoa dutela, bizikidetza demokratikoa eraikitzea helburu nagusia izanik.
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
2008an Fernando Grande Marlaska epailearen aginduz atxilotu zutenean Ibai Azkonak pairatu zituen torturak aitortu ditu Nafarroako Gobernuak. Euskalerria Irratian, pauso honek suposatzen duena azaldu du Azkonak.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.