Igande honetan izango da martxa, 'Pasa' lelopean, eta Trintxerpetik irtengo da 11:30ean. Mugetan egiten dituzten kontrol arrazistetan jarriko dute aurten gakoa.
Datorren igandean, hilak 20, XXV.enez egingo dute Arrazismoaren Aurkako Martxan Pasaia eta Donostia artean. Migrazio mugimenduak hain presente dauden honetan, mugetan jarri dute arreta antolatzaileek, eta horietan egiten dituzten kontrol selektibo eta arrazistak kritikatuko dituzte: “Paperik ez duten eta mugak zeharkatu nahian bizitza jokoan jartzen duten migratzaileek bizi duten babesgabetasun egoera salatu nahi dugu, eta horretarako, garrantzitsua da herritarrak mobilizatzea”.
Aurkezpena Irun eta Hendaia lotzen dituen Etorbidearen zubian egin dute, urtero urtero ehunka lagunek zeharkatzen duten mugan. Hain zuzen, prentsaurrekoa ematen ari ziren bitartean, bi beltz geratu dituzte jendarmeek alboko zubian, Santiago zubian, ohiko kontrolean. Etorbidearen zubia, berriz, hesituta dago Hendaia aldera ez pasatzeko.
Muga eta hesiekin kontrastatuz Pasa izan da aurtengo ekitaldirako aukeratutako leloa: “Mugak pasa, pasa edo ez pasa, pasatzen ari dena, ekintzetara pasa” eta antzeko aldarriak egin dituzte hitz-jokoarekin. Igandean izango da martxa Trintxerpetik abiatuta, 11:30ean, eta ekitaldiarekin bat egin dute 57 erakundek, hala nola, SOS Arrazakeria, Medicus Mundi, EAEko GKE Koordinakundea eta beste hainbat elkarte, Irungo Harrera Sarea kasu.
Prentsaurrekoan hitza hartu dute Agustin Unzurrunzaga (SOS Arrazakeria) Paty Ortiz Zarate (Medicus Mundi), Haizea Bernas (Medicus Mundi), Jon Aranguren (Irungo Harrera Sarea) eta Evon Etxeberria eta Sandra Fernandez (IES Usandizaga).
Europako Batasuneko mugetan ehunka lagun hil eta desagertzen direla gogorarazi dute antolatzaileek, batik bat Atlantikoan (Afrika mendebaldea eta Kanaria Uharteak, 4.000tik gora hildako) eta Mediterraneo erdialde (Italia-Malta, 1.315 hildako), mendebalde (Espainia, 324 hildako) zein ekialdean (Grezia, 41 hildako). Europako Batasunaren barruko mugetan ere hildakoak izaten direla gaineratu dute, Bidasoa eta Mantxako kanalean, esaterako. Halaber, egoera aldatuko den zantzurik ez dute ikusten munduaren egungo errealitateari begiratuta. Ondorioz, “bidaia arriskutsuak egitera eta bizitza arriskuan jartzera” bultzatzen dituen egoerak “hazi” egingo direla iragarri dute.
Ekintzara pasatzeko unea dela azaldu dute, eta Afrika nahiz Asiatik datozen migratzaileei bide legalak erraztu nahiz bisak emateko politika eraginkorragoak egin behar direla esan dute. Horrez gain, errefuxiatuen berkokatzeak azkartu, eta nazioarteko babesa behar dutenei hura benetan bermatzea herrialde batera iristean: “Lehen planoan jarri behar da migratzaileen zaurgarritasuna eta behar diren laguntzak eman”. Bestalde, Maroko, Libia eta Turkiarekin, besteak beste, sinatutako akordioak (migrazioari eustera bideratutakoak) aipamena egin diete, “gaitasun handia ematen dietelako herrialde horiei migrazioa xantaia moduan erabiltzeko.
“Harrera berbera”
Arangurenek Irun eta Hendaia arteko mugaren egoeraren berri eman du: “Kontrol arrazistak egiten dituzte segurtasun nazionala bermatzearen izenean”. Horrek dagoeneko nahikoa sufritu duten migratzaileen sufrimendua areagotzen duela esan du: “Azkenean, denek lortzen dute muga igarotzea. Ez dute pasatzea oztopatu nahi, baizik eta presioa eragitea”.
Irungo Harrera Sareko boluntarioak Ukrainako errefuxiatuei egiten zaien harrera berbera eskatu dute beste migratzaileentzat ere, “posible da”. Hendaiako geltokian izandako gertaera baten berri eman du hausnarketa gisa: “Hendaiako geltokian Ukrainako familia bati harrera egin zioten, baita polizia ere. Une berean topoan pertsona beltz batzuk iritsi ziren, eta etorri ziren bezala bidali zituen poliziak”.
Diskriminazioaren ahotsak txostenak zenbakitan jasotzen ditu 2023an Bizkaiko SOS Arrazakeriaren Informazio eta Salaketa Bulegoan pertsona ugarik agertarazitako esperientziak, eta haietan "arrazoi arrazista eta xenofoboen aurkako indarkeria, eraso eta diskriminazioak”... [+]
Migratzaile familia batek irekitako denda baten aurrean ikur frankistak jarri dituztela salatu du Zurekin Nafarroa ezker koalizioak. Fiskaltzari eraman dizkiote datuak, gorroto delitu bat egon daitekeelako pankarta horren atzean.
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Gorroto-gertakarien kopurua 2022. urtearekin alderatuta %35 txikiagoa izan zen, baina bigarren kopururik handiena da azken zortzi urteetan. Tipologiari dagokionez, lesioak (%32) eta mehatxuak (%24) nabarmendu ziren. Delituak jasan zituztenen erdia baino gehiago migratutako... [+]
Gizon bilbotar zuri bat epaitua izan da bere bikotekidea (emakume migratua) bizirik erre izana leporatuta. Feminizidio frustratu horrek agerian uzten du biktimek bizi duten babesgabetasuna, indarkeria matxista arrazakeriarekin uztartzen denean.
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Apirilaren 18an, Mbolo Moye Doole elkarteak elkarretaratzea deitu zuen, Bilboko manteroen aurkako arrazakeria eta indarkeria poliziala salatzeko.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.