Arrazakeria sozial eta instituzionala salatu dute, Bilboko Udalak hainbat pertsonaren aterpe zen gunea hesitu ostean
Bilboko Udalak hainbat pertsonaren aterpe ziren Atxuriko kirol pistak itxi ditu. Erabakiaren atzean arrazakeria soziala eta instituzionala gordetzen dela salatu dute asteartean egindako elkarretaratzean, eta udalari hesiak kentzeko eskaria helarazi diote.
Bilboko Udalak Atxuri auzoko kirol pistak hesitu ditu, bertan aterpe hartzen zuten pertsonei babesleku horretara sarbidea ukatuz. Urtarrilaren 3an itxi zuten espazioa, etxerik gabeko emakume bat kalean hil eta biharamunean, hain zuzen ere.
Udalaren erabakia gaitzesteko, Atxuri Harrera - Ongi Etorri Errefuxiatuak elkarteak elkarretaratzea deitu zuen asteartean, eta hainbat kolektibo zein norbanakok egin zuten bat Atxuriko kirol pisten aurrean gauzatutako deialdiarekin. Auzotarrek jakinarazitakoaren arabera, Atxuriko kirol pistak zortzi hilabetez izan dira migratzaile gazte batzuen aterpe, horientzat bizileku bat lortzeko udalaren eraginkortasun faltaren aurrean auzotarrek espazio hori eskaini baitzieten lo egiteko eta beren ondasun bakanak gordetzeko. "Injustiziaren aurrean, auzokideen arteko elkar babesa", egin dute aldarri.
Kaltetuek ardura agertu zuten, gune hori itxita ez baita ziurra hainbat pertsonak non hartuko duten aterpe: "Kantxa horietara jende asko iristen da, gehienak jende ona, nora joan ez duena. Kantxa horiek ez dira etxebizitza bat, baina euriaz eta hotzaz estaltzen gaituzte. Gutako batzuk orain aterpetxe batean lo egiten dugu, baina anai-arreba askok lurrean lo egiten jarraitzen dute. Kantxak ixten badituzte, nora joango da jende berria?".
Elkarretaratzearen bidez "erabakiaren atzean dagoen arrazakeria sozial eta instituzionala" salatu nahi izan dute. Izan ere, adierazi dutenez, uste dute udal gobernuak erabaki hori hartu duela "ezjakintasunak eta beldur zein gorroto mezuek bultzatutako pertsona multzo baten eskaerari men eginda". Udalari hesiak kentzeko eskaria helarazi diote, azpimarratuz hesiak ezin direla izan "gizarte beharrizanen eta elkartasunaren aurreko erantzuna".
Udalaren arrazakeria seinalatuz, ondoko adierazpenak egin dituzte kirol pistetan lo egiten zutenek: "Guk badakigu ez garela Udalaren gustuko. Polizia egunero etortzen zaigu goizeko zazpietan esnatzera. Eta orain, Udalarena ekintza arrazista dela ikusten dugu. Ez zaigu gustatzen. Eta uste dugu Bilboko jende on askori ere ez zaiola gustatuko, hilabete honetan hotz eta euri asko egingo baitu. Inork ez du merezi kalean lo egitea. Garrantzitsuena ez da bakarrik kantxa ixtea. Garrantzitsuena aterpea edo etxebizitza bat ematea da, kalean ez egoteko. Baina Udalak ez digu begiratu ere egiten".
Aurrekariak dituen ekintza
Atxuriko kirol pistetakoa ez da Bilboko Udalak kalean bizi diren pertsonek aterpe gisa erabiltzen duten eremu bat hesitzen duen lehen aldia. Denborak gehiegi atzera egin beharrik gabe, iazko otsailean Euskalduna zubipean eraikitako etxoletatik kanporatu zituen hainbat pertsona, gazte migratzaileak kasu horretan ere.
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]