Arrasto arkeologikoak aurkitu dituzte AHTren Tafallako obretan
Guneak 5.000 metro karratuko azalera hartzen duela iragarri du Nafarroako Gobernuak. Hasierako ikuskapenekin, Bigarren Burdin Aroko piezak izan daitezkeela azaldu dute. Arkeologia lanak laster hasiko dira, baina ez diote AHT eraikitzeko epeei eragingo.
Tafallako La Gariposa inguruan egiten ari diren AHTren obretan arrasto arkeologikoak aurkitu dituzte. Gunetik hurbil, ekialdean, Nafarroako Inbentario Arkeologikoan bilduta dagoen erromatar hiribildu baten arrastoak daude. Aste honetan atzemandako piezak zaharragoak direla uste dute, Bigarren Burdin Arokoak.
Nafarroako Gobernuak asteartean jakinarazi duenez, trenaren prospekzio eta drainatze lanetan egin da aurkikuntza. Datuak azaleraren desugerketan oinarritzen dira eta ez ikerketa estratigrafikoetan, beraz, “eskuratutako informazioa partziala da, ez delako egiaztatu aurkikuntzaren hedadura osoa, egituraren tamaina, ezta kronologia ere”.
5.000 metroko karratuko azalera hartzen du aurkitutako guneak, baina hasierako balorazioa egin eta gero, bigarren esparru bat edo arrasto gehiago egon daitezkeela azaldu dute. Kultura Zuzendaritza Nagusiak “zehaztasunez eta zalantzarik egon gabe” ikertuko ditu hedadura osoa eta arrastoen ezaugarriak eta nolakotasuna. Erregistro, Ondasun Higigarri eta Arkeologia Ataleko teknikariekin lankidetzan jardungo du.
Behin-behineko neurriak
Ikerketa hasi bitartean, Nafarroako Gobernuak ingurua hesitu eta sarrera debekatuko du, espoliazioa edota piezei egindako bestelako kalteak ekiditeko. Halere, azterketek ez diote AHTren obren epeei “modu esanguratsuan” eragingo: batetik, arkeologia lanak epe laburrean buruko dira; bestetik, ADIFek adierazi du ez dutela aurreikusi trenaren eraikuntza lanak gune horretan egitea.
AHTren lanen atzerapena
Aste honetan egindako aurkikuntzek atzerapenik sortuko ez badute ere, trenaren obrek 15 urte daramatzate martxan, eta inbertsioaren %58 falta da oraindik egiteko. Nafarroan, egoera larriagoa da: AHT Gelditu plataformak salatu duenez, hamar urte eta gero inbertsio osoaren %96 falta da trenbidea martxan jarri ahal izateko. Gainera, Nafarroako Gobernuak finantzaketa hori lortzeko funts publikoak erabiliko dituela ere salatu du plataformak, pandemiaren osteko egoerari aurre egiteko Europatik jasotzen dituen laguntzak, hain zuzen.
Etiopia, 1974ko azaroaren 24a. Lucy-ren hezurdura aurkitu zuten Hadarren, giza arbasoen arrasto zaharrenetakoa. Australopithecus afarensis espezieko hominidoak 3,2 eta 3,5 milioi urteren artean ditu.
Homo espezieen arbasotzat jo zuten orduan, gu guztion amatzat. Mende erdi... [+]
Normandiako erromatar garaiko aztarnategi batean lanean ari zirela, arkeologia ikasle batzuek aurkikuntza bitxia egin dute berriki: buztinezko eltze baten barruan kristalezko flasko txiki bat topatu zuten, XIX. mendean emakumeek lurrina eramateko erabili ohi zuten... [+]
Yamagata unibertsitateko Masato Sakai arkeologo japoniarra buru duen ikerlari talde batek geoglifo ugari aurkitu berri ditu Nazcako basamortuan (Peru). Guztira 303 geoglifo topatu dituzte, orain arte ezagutzen zen geoglifo kopurua ia bikoiztuta. Horretarako adimen artifiziala... [+]
Trebiñu, VI. mendea. Eremita talde bat Las Gobas kobazuloetan bizitzen hasi zen, eta historiaurretik okupatutako Laño ibaiaren haitzarte hartan kobazulo berriak hondeatu zituzten. Hurrengo mendean kobazuloetako bat nekropoli modura erabiltzen hasi zen bertako... [+]
Arkaiako erromatarren eremu termalean San Tomas ibaiari loturiko azpiegitura hidrauliko handi bat aurkitu dute, baita lur azpian 3.000 metro koadroko eraikin bat ere, garai hartako etxalde batenak izan daitezkeen arrastoekin.
Mexikoko Coahuila basamortuan, Bilbaoko dunak izeneko parajean, giza eskeleto baten arrastoak topatu dituzte. Arkeologoek aztertu ondoren, ondorioztatu dute 950-1250 urte artekoak direla eta Candelariako kulturarekin lotuta daudela.
Aurkikuntza berri pozgarria izan da... [+]
Arabako aztarnategi arkeologikoaren ondoan 280 metro luze eta 72 metro zabal dituen egitura ezkutatzen da soroen azpian. Arkikus enpresak drone bidezko kartografia teknika bereziak erabilita egin du aurkikuntza. Euskal Herrian ez da halako besterik eta Tarraco edo Calagurris... [+]
Aurtengo neguan INRAPeko (Ikerketa Arkeologiko Prebentiboen Institutu Nazionala) arkeologoek nekropoli berezia aurkitu dute Auxerreko (Frantziako Estatua) erdigune historikoan: haur jaioberrientzako edo hilda jaiotako haurrentzako erromatar garaiko hilerria. K.o. I. eta... [+]
El Villar aztarnategian 2017an aurkituriko mosaiko erromatar handia zaharberritu eta ikusgai jarri dute Ablitasko kultur etxean. IV. mendeko villa edo etxaldeak 40.000 metro koadro ditu eta oso-osorik dagoela uste dute arkeologoek, nahiz eta zati txiki bat baino ez duten... [+]
Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]