Arrasaten zama gainera erori zitzaion garraiolaria hil da: “Lan istripuen gorakada gogorra jasaten ari gara”
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada gogorra" nabarmendu du. Heriotza salatzeko mobilizazioak egingo dituzte.
Beste heriotza bat langileen artean, beste behin garraioaren sektorean. Martxoaren 14an Fagor Ederlan kooperatibarentzat materiala garraiatzen ari zen TKV Taldeko Orixol Garraioak enpresako 25 urteko langilea larri zauritu zen, zama gainera erori zitzaionean. LABek jakinarazi du asteartean hil dela, "istripuak eragindako zauri larrien ondorioz".
Sindikatuak elkartasuna adierazi die hildakoaren senide eta lagunei, eta gogorarazi du jadanik hamazortzi direla lanean hildako langileak urtea hasi zenetik. Baina kopuru hori ez da kasualitate bat: "Lan istripu arin eta larrien kopuruen gorakada gogorra jasaten ari gara", azaldu du LABek.
Garraiolariak, bitartekorik gabe lanean
Heriotza garraioaren sektorean gertatu izana ere ez da kasualitatea, istripu larri eta hilgarri gehien jasaten duen sektoreetako bat baita: "Sektore honetako langileek, trafikoko istripu traumatikoez gain arazo kardiobaskularrak modu nabarmenagoan pairatzen dituzte, eta laneko faktoreek eragin altua dute", azaldu du sindikatuak.
Garraioan aritzen diren langileek badituzte arrisku gehiago, zamaren karga eta deskarga prozeduretan ematen direnak esaterako, "nahiz eta lan hori ez dagokien"
Gainera, garraioan lanean aritzen diren langileek badituzte arrisku gehiago, zamaren karga eta deskarga prozeduretan ematen direnak esaterako, "nahiz eta lan hori ez dagokien". LABek ziurtatu duenez enpresa askotan ez da segurtasun arau hori errespetatzen eta garraiolariaren eskutan uzten da lana, bitartekorik ez duen arren.
ESK sindikatuaren esanetan 2008tik 1.044 langile hil dira lanean ari zirela eta "instituzioetatik beste aldera begiratzen dute neurririk hartu gabe".
Mobilizazioa
Arrasateko heriotza salatzeko LAB, ESK, STEILAS, Hiru eta EHNE-Etxalde sindikatuek osatzen duten talde intersindikalak mobilizazioak iragarri ditu.
Istripua gertatu zenean ere elkarretaratzea egin zuten TKVko langileen ordezkariek, LABek eta ELAk deituta. Orduko hartan salatu zuten TKVko zuzendaritzari sarritan eskatu zaiola prebentzioaren eta segurtasunaren arloan neurri gehiago hartzeko.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]