Arrasateko Gaztetxea osatzen duten eragile ezberdinek "irmoki salatu" dute astelehen eguerdian jasandako erasoa: “Azken asteotan gure herriko zein inguruko herrietako gaztetxe zein komertzio txikiei gertatu zaien bezala, guk ere lapurreta bat jasan dugu”.
Lapurrek indarrez ireki dute sarrera nagusiko atea eta gaztetxe barruko materiala erabilita kutxa-gotorra apurtu dutela adierazi dute Gaztetxeko kideek, barruan zegoen diru guztia lapurtuz.
Erasoa azkenaldian herrian gertatutako beste lapurreten markoan kokatu dute: “Herri langilearen aurkako erasotzat jotzen ditugu lapurretok”.
Gogorarazi dute, gaztetxea norbanakoek osatutako asanbladarena izateaz gain, hainbat eragileren etxea ere badela (Pottogorriak: gorputz askeen asanblada; Guraso eta Haur Asanblada; Kooltur Ekintza…) eta beraz, horrelako erasoek Arrasateko herrigintzan dabiltzan eragileak, eta baita norbanakoak ere kaltetzen dituztela azpimarratu dute.
Gertatutakoa salatzeaz gain, laguntza eskatu nahi diete astelehen eguerdian 12:00ak eta 17:30ak bitartean gaztetxe ingurutik pasatu zuren herritarrei: “Ikusi ahal izan duzuen edozein jarrera susmagarriren berri ematea lagungarria izan liteke lapurrak behingoz harrapatzeko. Hala ere, erasoen gainetik ilusioz aurrera jarraituko dugu, guztiona den etxe hau defendatuz!”
Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.
2022 urtean bota zuten Durangoko (Bizkaia) gaztetxea. Autogestionatutako eremu hori galduta, ordutik gazteen antolakuntzarako beste espazio baten bila aritu dira. Gaztetxearen beharra azpimarratuko dute ekainaren 16an egingo dituzten ekitaldietan.
Sabadellen jabetzakoa da eraikina, eta duela hiru urte ekin zien kanporatze-mehatxuei. Orain dela ia hamar urte birjabetu zuten espazioa.
Gaztetxe berritik irteten ez badira, "bide judizialari eutsi eta salaketa jarriko duela" esan du Gipuzkoako gotzaitegiak. Otsailean birjabetu zuen Elizaren jabetzako eraikina Zestoako Gazte Asanbladak.
Aurreko larunbatean, elkartasun egitarau baten barruan, manifestazio bat izan zen Zestoan, Elizari birjabetutako Gaztetxe berriari babesa emateko. Huste arriskuan jarraitzen du Gaztetxeak, baina Gazte Asanbladako kideek adierazi dute ez dutela "amore emango Zestoari merezi... [+]
Zentroko lokal bat birjabetu zuen aurreko astean Zestoako Gazte Asanbladak, Gaztetxearen lekualdatzea bermatzeko eta lokala Gaztetxe bilakatzeko. Elizak, baina esku hartu du jada: salaketa bat aurkeztu du gotzaitegiak, eta hustua izateko arriskuan dago Zestoako Gaztetxe berria.