Arrasateko Alternatiben Azoka, kapitalismotik harago bizi nahi dutenen erakusleiho
Alternatiben Azoka antolatu dute Arrasaten, apirilaren 20an, 21ean eta 28an. “Enpresa kapitalisten logikatik at dauden enpresei ahotsa emateko” espazioa sortuko dute antolatzaileek, eta kooperatibismoarekin, ekonomia sozial eraldatzailearekin eta bestelako balioekin lan egiten duten elkarte eta enpresak gonbidatuko dituzte. Tartean ARGIA izango da.
Arrasateko Gazte Alternatiboen Kofradia Organizatuak (AGAKO) hirugarrenez antolatu du Arrasateko Alternatiben Azoka. Aurtengoan, formatu berriarekin dator. Hiru egunez egingo da, eta tailer praktikoak, hitzaldiak eta mahai-inguruak eskainiko dira.
“Pertsonak eta gure bizitzak zentroan jarri nahi ditugu, eta bide horretan lanean dihardutenen bozgorailua izatea nahi dugu”, azaldu dute antolatzaileek prentsa-ohar bidez. Egitarau zabala antolatu dute horretarako: apirilaren 20an, ostirala, osasunaren inguruko mahai-ingurua egingo da Gaztetxean. Euskal Herriko Bilgune Feministako Osatze Feminista lantaldeko kide bat eta Gatazka Koletiboko kide eta Drogas capitalismo y movimientos radicales liburuaren egile Aitor Aspuru izango dira mintzakide. “Gure osasunaren gaineko kontrola nola galdu dugun, gure gorputzen gain jazartzen diren indarkerietaz eta autonomia berreskuratzeaz” hitz egingo dute.
Larunbata Azokaren eguna izango da. Sebero Altube Plazan egingo da, eta banatzaile ugariren postuak jarriko dituzte bertan. Tartean, DDT banaketak, La Gallina Vasca, Ekintza Zuzena eta Musika Zuzenean. Horren ondotik, mahai-inguru bat egingo da Kulturarteko Areto Nagusian, goizeko 11:30ean. Kontrainformazioaren inguruan arituko dira ARGIA, El Salto-Hordago, Klitto eta Hala Bedi hedabideetako kideak. Komunikabide handien “egiak” deseraikitzeaz, kontrainformazioaren mugez eta txikien arteko indar metaketaz arituko dira.
Arratsaldeko 17:00etan Ekintza Zuzen burokratikoen txanda izango da, Kulturarteko Areto Nagusian. Goiener, Setem, Nortlan, Fiare eta Izarkom-ek euren proiektuak aurkeztuko dituzte.
Azkenik, apirilaren 28an, Kataluniako Prozesu Independentista izango da berbagai Arrasateko Gaztetxean. CUPeko Maria Sirvent eta CDRko hainbat kide izango dira. Herrigintzatik Errepublika eratzeko prozesua nola egiten ari diren kontatuko dute.
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]