Arrantzaleak haserre agertu dira arrantza debekuarekin
Bizkaiko Golkoko uretan arrantza debekatu dute hilabetez, izurdeak babesteko. Arrantzaleek prezioen igoera aurreikusi dute, eskaintzak behera egingo duelako. Talde ekologistak neurriaren alde agertu dira.
Debekatuta geratu da arrantza astelehenetik aurrera Bizkaiko Golkoko uretan. Frantziako Gobernuak ezarri du neurria, eta otsailaren 20ra arte iraungo du, izurdeen ernalketa garaia babesteko. Ekologisten eta Europar Batasunaren eskakizuna izan da debekua. Horrez gain, Espainiako Gobernuak adierazi du sare bidezko arrantza debekatuko duela Bizkaiko Golkoan, oraindik zehaztapen gehiagorik eman ez duen arren.
Haserre agertu dira euskal arrantzaleak, aukera gutxiago izango baitute arrantzatzeko. Adierazi dutenez, horrek prezioak gora egitea eragingo du, eskaintzak behera egingo duelako. Garapen Ekonomikoko, Iraunkortasuneko eta Ingurugiroko sailburu Arantxa Tapiak ere adierazi du litekeena dela “prezioa gora egitea”, baina ez dela hornidura faltarik izango.
Arrantzaleek aurreikusi dutenez, 120.000 kilo arrain gutxiago jasoko dute. Espainiako Gobernuak galeren %25 estaltzeko diru laguntzak emango dizkie arrantzaleei, eta Frantziako Gobernuak, aldiz, %80 ordainduko die.
Arrantzaleak, oso haserre
Hainbat arrantzalerekin hitz egin du Berria-k, eta jakinarazi duenez, “gogor” mintzatu dira. “Hilabeteko geldialdia eskatzen zuten, baina lau hilabete nahi dituzte, eta lortu arte segituko dute. Funtsean, arrantzaren abolizioa da haien helburua. Ez dut sinesten ahal bestelako konponbiderik aurkitzen ahal ez denik. Duda dut bestelako konponbiderik bilatzen ari ote diren”, adierazi du Gael Gueff arrantzaleak.
Ekologistak Martxaneko kide Eneko Aierbek ere Berria-rekin hitz egin du, eta neurriaren alde egin duen arren, modifikazioak egin daitezkeela defendatu du: “Urteak dira bai guk eta bai Frantziako talde ekologistek salatzen dugula milaka izurde hiltzen direla euskal kostaldean. Neurriak oinarria badu, baina hartu den modua ez dugu ulertzen: arrantza gelditzeko gomendioa ekainean eman zuten zientzialariek”. Azaldu duenez, “ez dute ulertzen” arrantzaleei zergatik azaldu zaien horren berandu, lehenago esanda neurriak hartu ahal izango zituztelako.
Gipuzkoako Getariako kostatik 3,7 itsas-miliatara (6,6 kilometrora) jartzear dira Euskal Herriko lehen itsas zabaleko arrain haztegia. 50 metroko diametroa eta 40 metroko sakonera dute bi kaiolek. Bertako itsas baldintzetara ongi egokitzen badira, 2025eko udan 50 hegalabur edo... [+]
Sardina bat... bi sardina... topatu ziren...
Atlantikoan, Mediterraneoan, Indikoan, Pazifikoan… Gauez bada, 25-55 metroko sakoneran; egunez sakonago, 100 metrorainokoan, harrapariengandik babesteko.
Txikitan kaian arrantzatu ohi genituen ‘pantxito’ gehienak ziurrenik bisiguak izango ziren, baina nekez ikusten genituen bisigu handiak. Izatekotan, jatetxe ezagunetan izango zen, arraindegietako bisigu gehienak kanpotik ekarriak ziren bitartean. Egun, kostaldeko... [+]
Manuela Jauregi arrantzalea da eta duela 25 urtetik hona, bere senarrarekin batera olagarroa eta eguneko arraina harrapatzen aritzen da Getarian, Manuela itsasontzian. Mattin Jauregirekin mintzatu da ontzi barrutik, eta azken urteetan sumatu dituen aldaketak azaldu ditu.
Hiru arrantzaleetatik bi desagertuta daude, eta erreskatatu dutena Baionako ospitalean artatu dute, hipotermiak jota.
Bai hauteskunde egunean, bai posta bidez botoa eskatu ahal izateko epean itsasoan direlako, arrantzale asko ezin bozkatu geratzen dira hauteskundeetan. Telematikoki bozkatu ahal izan dezaten legea aldatu bitartean, oraingoan ere abstentzionisten zerrendan sartuko dituztela... [+]
Sindikatuak salatu du Bermeoko baxurako arrantzako itsasontzia amarratua geratuko dela. "Egoera penagarrian" lan egiten zuten langileak kaleratu dituzte, aurretik informazio edo azalpenik jaso gabe. Beti Euskal Herria ontziko arduradunen jokabidea arrantza sektorearen... [+]
Getariako portuko bokalean hainbat katuarrain hilik aurkitu dute maiatzaren batean Buceo Donostiko kideek.
Baionako portua blokeatu dute martxoaren 29an eta bezperan arrainak kitorik banatu zituzten herritarrei. Bioaniztasunaren alde harturiko hainbat neurri deitoratu dituzte, beraien aktibitatearen murrizketa dakarrelako.
Lekeitio eta Ondarroa, 1623ko martxoaren 11. Bi herrietako arrantzale kofradiek hitzarmena sinatu zuten biek batera harrapatutako balea elkarren artean banatzeko.
Euskal Herriko ibai eta itsasadarretan galzorian den arrain espeziearen inguruko hitzaldia eskainiko dute Josu Narbarte arkeologoak eta Iñaki Sanz-Azkue biologoak asteartean, Donostiako Koldo Mitxelena Kulturunean. Iraganean izokinak izan zuen garrantzia sozio-ekonomikoa... [+]