Arrankudiaga Zollon Euskal Herriaren independentziari buruzko erreferenduma egingo dute igandean
“Euskal estatu subirano bateko herritar izan nahi al duzu?” galderari erantzun ahal izango diote azaroaren 2an Arrankudiaga Zolloko biztanleek.
Etxarri Aranatzen eta beste hainbat herri katalanen ereduari jarraituz, Arrankudiaga eta Zolloko Ados plataformak herri-kontsulta antolatu du.
16 urte baino gehiago dituzten biztanle guztiek bozkatu ahal izango dute 9:00etatik 20:00etara zabalik egongo den bozketa-mahaian. Galderari baietz, ezetz edo zurian erantzun diezaiokete.
EHNA, NANa, gidabaimena edo pasaportea erakutsi behar dira bozkatu ahal izateko.
950 biztanleko herria da Arrankudiaga Zollo. Garak argitaratu duenez, antolatzaileek ez dute errolda ofizialik, eta ezin dute ziur jakin zenbat pertsonak bozkatu dezaketen. Gutxi gorabehera 780 bozkatzaile inguru egongo direla uste dute.
Emaitza jakinarazi eta ezabatu
Egunean zehar protokolo zehatza jarraitu arren, lortutako datuen arrastoak ezabatzea adostu dute antolatzaileek. 21:00etan kontsultaren emaitza ezagutarazi, eta ostean informazio guztia desegingo dute.
Jai giroan egingo dute kontsulta, eta igandean kirol erakustaldiek, musikak eta Etxarri Aranatzeko zanpantzarrek alaituko dituzte kaleak.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Lasterketaren lehen hiru etapak Euskal Herrian egingo dituztela baliatuz bi estatuetan banatutako herri bat dagoela erakutsi nahi dute alderdi politiko independentistek. Hendaian bildu dira bozeramaileak horren berri emateko.
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
