Aroztegiko proiektuaren aurkako kanpaldia mugagabe bilakatu dute
Larunbatean hasitako kanpaldia jasotzen ari den babes handiagatik hartu dute erabakia. Astelehen goizean makinak agertu dira baina ezin izan dute lanik egin. Eguerdian Guardia Zibila azaldu da, baina protestan zeudenak grabatu ostean alde egin dute poliziek.
“Indartsu gaude, kristoren babesa dago hemen inguruan. Hortaz, erabaki dugu kanpaldia mugagabea bilakatzea”, azaldu dio Ahotsak hedabideari kanpaldiko partaideetako batek. Eragile sozial eta politikoei zein norbanakoei kanpaldira hurbiltzeko deia egin die ere, orain arte babesa adierazi dieten guztiei eskerrak ematearekin batera.
Goizean makinak, eguerdian Guardia Zibila
Goizeko lehen orduan makinak agertu dira Aroztegiko proiektuaren lanak egiteko asmoz, baina kanpaldian dauden pertsonek adierazi dutenaren arabera, lanak hasi ere ez dituzte egin protesten ondorioz. Eguerdian Guardia Zibila hurbildu da kanpaldira. Proiektuaren aurkako ekintzaileek eserialdia egin dute elkarren artean lotuta, eta polizietako batek irudiak hartu ostean alde egin dute. Informazio hau argitaratzeko orduan egoera lasai dago. Ahotsa.info jarraipena egiten ari zaio protestari.
Aroztegiko proiektuak hotela, golf zelaia eta 225 luxuzko etxebizitza aurreikusten ditu 350 biztanle inguru dituen Nafarroako Baztango Lekarozko herrian. Ezagutu zen unetik aurkakotasun asko piztu ditu egitasmoak.
"Erabaki dugu kanpaldia mugagabea egitea" pic.twitter.com/t6pHyJ939y
— Ahotsa.info (@AhotsaInfo) April 19, 2021
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.