Aroztegiaren aurka bozkatu dute baztandarrek
Hirigintza planari ezezkoa eman dio herritarren %80k. Hautesleen %27k hartu du parte Baztango Batzar Orokorrak antolatutako galdeketan.
Aroztegia proiektuari uko egin diote Baztanen. Bertako Batzar Orokorrak deitutako galdeketa ez-loteslean hautesleen %27k hartu du parte, eta ezetza nagusitu da botoen %80 bilduta. Hautesleen %14,5ek eman du aldeko botoa, eta %2,3k zuri bozkatu du. Guztira, bozkatzera deitutako 6.169 pertsonatik 1.707k eman du iritzia.
“Positibotzat” hartu dituzte datuak antolatzaileek: “Ikusita galdeketa saihesteko Nafarroako Gobernuak egin dituen ekinaldiak, onak dira datuak eta emaitzak”. Joseba Otondo Baztango alkatearen esanetan, Baztango herritarrek “argi” esan dute zein den euren nahia. “Orain Gobernuak erabaki beharko du zer egiten duen", azaldu du Otondok.
Bere aldetik, Aroztegia...eta gero zer? plataformak herriaren nahia islatu dela uste du: “Ezetz erran dio landa eremua metropoli edo hiri handien zerbitzura jartzeari. Ezetz erran dio baztandarren artean pribilegioak sortzeari”.
Galdeketa Baztango 733 biztanleren eskariz egin da, eta EH Bilduren babesa jaso du. Geroa Bai, PSN eta PPNk ez dute galdeketa ontzat jo.
Aroztegia Jauregia SM enpresaren planen arabera, luxuzko 228 etxebizitza, lau izarreko hotela, spa bat eta golf zelaia eraikiko dira Lekarozen, eta 700 lagunentzako urbanizazioa sortu. Egun, 320 biztanle inguru bizi dira bertan.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.