Arnaldo Otegi: “Inbertsio ekonomikorik onena pandemia gelditzea da”
Osasun larrialdi honen aurrean koalizioak duen tesia eta estrategia aurkeztu ditu Arnaldo Otegik bideo-konferentzia bidez. Erronka nagusia herritarren osasuna lehentasunez zaintzea da, pandemia gelditzea, eta larrialditik zenbat eta lehenago atera orduan eta azkarrago bizkortuko da jarduera ekonomikoa. “Inbertsio ekonomikorik onena pandemia gelditzea da”, adierazi du Otegik.
Osasun krisiari aurre egiteko komunitate zientifikoaren zati batek proposatu duen estrategia bere egin du Otegik, hau da, birusari mailukada eman behar zaiola. Mailukada emateak esan nahi du konfinamendua bete eta jarduera ekonomikoa oinarrizkoenera mugatu behar dela, hedapena murrizteko. Aipatu du azken neurria gaizki eta berandu hartu duela Espainiako Gobernuak. Jarduera ekonomikoa hutsean geratuko dela adierazi dutenei erantzun die hori gezurra dela. Espainiako Gobernuak hartutako azken neurriaren arabera, jarduera ekonomikoaren herena ez dela geldituko adierazi du.
Bi alorretarako by-passak proposatu ditu, alegia, neurri ekonomikoak, batetik, familia, herritar eta langileentzat, eguneroko beharrei erantzun ahal izateko, eta bestetik, diru-laguntzak enpresen finantza- eta egitura-kostuei eusteko. Esan du inork ez duela enpresen aurkako estrategiarik planteatzen.
Kutsadura hedapenaren kurba 1.1 eta 1.2 puntuetan dabilela esan du eta 0.3-0,5 puntuetara jaitsi behar dela. Helburu hori lortzeko kutsatuak identifikatzeko test masiboak proposatu ditu. Geroago iritsiko litzateke gaur egungo neurri zorrotzak arintzea.
“Norbaitek hala uste bazuen, hau ez da katarro bat, hau luzea eta gogorra izango da”, adierazi du. Danimarka hartu du eredutzat, proposatu duen estrategia garatu ahal izateko. Han alderdiak, erakundeak, sindikatuak eta langileak mahai baten bueltan bildu direla esan du. Halako egitura bat proposatu du Nafarroarako eta EAErako. Elkartasun nazionala eskatu du eta aurrera begirako ekonomia plana burura eramateko gehien dutenek gehiago ipini beharko dutela azpimarratu du, eta ez ahulenek, alegia, emakumeek, pentsiodunek, langileek.
Betiko errezeta neoliberalek hemendik ateratzeko ez dutela balioko eta egoera aukera gisa baliatu behar dela esan du. Bestelako eredu sozial bat diseinatzeko aukera dagoela.
Otegi ados dago elkarlanean aritu behar dela momentu hauetan, baina bere ustez horrek ez du esan nahi kritikarik egin ezin denik, beti ere kritika arduraz egiten bada eta termino eraikitzailean. EH Bildu kritikak tonu onean egiten ari dela azpimarratu du: “Gauzak gaizki eta berandu egiten ari direla esan daiteke tonu onean”. Kritikak egiteagatik isekak jaso dituztela esan du, baina orain ez dela gaizki-esan horiei erantzuten hasteko momentua.
Arnaldo Otegik azken asteotako errepaso laburra egin du eta adierazi du kutsatuen eta hildakoen ehunekoa esponentzialki gora egiten ari dela. 7.000 kutsatu eta 312 hildako zenbatu ditu. Osasun larrialdiak ondorio ekonomiko eta sozialak ekarri dituela dio, baina emaitza txarrak aurretik ere bagenituela azpimarratu du, adibidez, Barne Produktu Gordina astean 0,5 puntu galtzen ari zela.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.