Arnaldo Otegi eta parte hartzen duen lobbya, kapitalaren zipaio politikoak
Duela gutxi egindako elkarrizketa batean, buru den egituren ordezkari fidela den Arnaldo Otegik honako adierazpen hauek egin ditu, besteren artean.
"Bizikidetzaren alde lan egin behar da, modu eraikitzailean". Lobbyak, jakinaren gainean, ahaztu egiten du Euskal Herrian dagoen oinarri zentrala: Frantzia, Espainia eta euskal burgesiaren aldetik Euskal Herriak jasaten duen zapalkuntza nazionala eta soziala.
Kapitalismoa, inperialismoa eta kontraesan nagusia, hau da, klase-borroka, ukatzen duen edozeinekin mahaia partekatzeko arazorik ez du. Espainiako polizia autonomiko zipaioak Sortu-EH Bilduko militanteen artean ikusteraino iristen da gure nazio eta klase etsaiekiko enpatia. Horren gordin dago afera.
Diskurtso berari jarraituz, eta gero eta gehiago sistemaren parte bihurtuz, euskal langileriaren etsaiak areriotzat jotzen ditu, ez etsaiak. Guk geuk, ez lehen eta ezta orain ere, ez diegu kontzesiorik egingo euskal langileria menderatzen jarraitzeko asmoa dutenei. Baldintza horietan ez dugu etsaiarekin konfrontaziorik egiten, ordea, gure artekoa da eta izango da enfrentamendua.
"Kapitalismoa, inperialismoa eta kontraesan nagusia, hau da, klase-borroka, ukatzen duen edozeinekin mahaia partekatzeko arazorik ez du"
"Helburu politikoa, proiektu guztiak defendatu ahal izatea da", gaineratu du. Hori da kapitalaren diktadura demokratikoari eusten dion espainiar eta euskal eskuinaren eta sozialdemokraziaren hitz-jarioa.
Felipe Gonzálezentzat ez du erreklamazio juridikorik ez espetxe-erreklamaziorik eskatzen, bizikidetza demokratikoaren mesedetan. Izugarria bezain egiazkoa. Otegi, Sortu eta EH Bilduren buruzagiek, GAL deiturikoa zuritzen ari dira elkarbizitza demokratiko kapitalistari eusteko. Logikoa bezain itzela.
Era berean, eskuineko esentzia sozialdemokrata landu du, PSOErengandik pauso batera hain zuzen, eta "heldua den jendeari egia azaltzeko" eskatu du, COVID-19 dela eta. Hau da, EH Bilduk egin ez duena gainerakoei eskatzen diete eurek, berauek. Ez du egin, bistan da, EH Bilduk sistemaren barruan jokatzeko bere kuota ordaindu behar duela hitzartuta dagoelako.
Alarma-egoera luzatzea defendatzen du, badaramatzan murrizketa guztiekin eta bide horretatik ekar ditzakeenekin. Erakunderen bateko kudeaketa-karguren batekin Espainiak edo Frantziak saritzen dituenean, zer espero ahal dugu? Inork uste al du bere kudeaketa delegatuan kapitalaren botereari enbarazu egingo diola horrek oro har errepresioa edo, bereziki, kartzela badakar?
Berandu baino lehen, EH Bilduk kapitalak agindutakoa kudeatuko du eta Espainiako polizia autonomikoa Yankien txotxongiloek jarritako lehergailuak desaktibatzen ikusiko dugu, non izango den berdin delarik. Azken hamarkadan (batez ere), gauzak garatzen ari diren bezala, ez da batere erokeriarik hori hausnartzea.
Asko eta asko gara barkamena eskatzeko borrokatu ez garenok. Ez gara damutzeko borrokatu, ezta borrokatuko ere. Asko eta asko gara Kosovo-Euskal Herri baten alde borrokatzen ez garenok. Euskal Estatu Sozialista eraikitzeko borrokan aritu, ari eta ariko gara. Hori da herri eta klase gisa dugun aldarrikapen taktikoaren sakontasun politikoa. Euskal langileria eta mundukoaren alde borrokatzea baino jarrera etikoagorik ez dago.
Euskal Estatu Sozialistaren eraikuntzaren alde.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Autoestimuak batzuetan gauza intimoa dirudi. Baina autoestimuak zerikusia baldin badu norberak bere buruaz duen irudiarekin, norbere buruari ematen zaion balioarekin, zerikusia izango dute hartu ditzakeen erabakiek ere. Zer balio du erabakirik hartu ezin duen norbaitek? Eta... [+]
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Aste oso batez aritu gara Collodiren Pinotxoren abenturak liburuaren inguruan, unibertsitateko ikasgelan, Haur Hezkuntzako eta Lehen Hezkuntzako irakaslegaiekin. Gure erreferentzia nagusia Galtzagorrik 2011n argitara emandako edizio ederra izan da –hitzaurrea barne, 171... [+]
“Ibiliz ikasten da ibiltzen, eta kantuan kantatzen”. Horixe izan da aste honetako ikasgaietako bat C2ko taldeetan. Helburua ez zen abesten edo oinez ikastea, gerundioa behar bezala erabiltzea baizik. Zer pentsatua eman dit jarduerak, eta irakasten nola ikasten dugun... [+]
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
Hezkuntzaren Soziologian bada galdera klasiko bat: zertarako existitzen da hezkuntza sistema gizarte batean? Galderari emandako erantzunak ugariak dira, eta aldatuz doaz garaiaren arabera. Baina horien artean nabarmentzekoak ondoko hauek izan ohi dira: eskolak nagusiki... [+]
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]