Armentia ikastolak elizak etxegabetu nahi dituen familiei “gertutasuna” adierazi eta mobilizazioekin bat egin du
Armentia ikastolan egiten dituzte ikasketak hiru familien haur adingabeak. Gasteizko Alde Zaharrean bizi dira, Eliza katolikoaren Berakah elkarteak kudeatzen dituen etxebizitzetan, eta judizialki etxegabetzeko prozedura abiatu du elkarteak. Ostiralerako etxegabetzeen aurkako mobilizazioa deitu du Auzoan Bizi etxebizitza sareak.
“Azken asteetan jakin izan dugunez, gure ikastolako hiru familia etxegabetuak izateko arriskuan daude. Ikastolako zazpi ikasle lirateke etxegabetzeak eragindakoak eta guztira bederatzi adingabeko eta bost pertsona heldu”, dio ikastolak helarazitako prentsa oharra hasieran. Ikastolak azpimarratu du familietako batek urri amaieran duela etxea borondatez uzteko epemuga, hasierako data hilabete atzeratzea lortu ostean, eta prozedura bera jarri du zalantzan: “Familiak salatu duenez, ez dute legez aldez aurretik jaso behar duten salaketaren berri izan, eta beraz, etxegabetze epaiari helegitea jartzeko eskubidea galdu dute. Beste bi familiek ere jaso dute etxea uzteko agindua”.
Armentia ikastolak azaldu du familiek Auzoan Bizi etxebizitza sarera jo zutela elkartasun eske, eta sareak, bestek beste, mobilizazioa antolatu duela urriaren 20rako, ostirala: “Armentia ikastolatik elkarretaratzean parte hartzeko deia luzatzen dugu, eta gertutasuna adierazi nahi diegu familiei”.
Eliza katolikoa, pobretuak etxegabetzen Gasteizen
Urriaren 16an argitaratu zuen ARGIAk etxegabetze horien inguruko informazio zabala, kanporatze data hurbilen duen familiako kide Fatimarekin solasaldia izan ostean. Fatimak azaldu zuen egun familiak ez duela beste alternatibarik eta kale gorrian geratuko liratekeela bi gurasoak eta lau seme-alaba adingabeak. Seme-alabak Armentia ikastolan beka bati esker ari zirela ere kontatu zuen solasaldian.
Fatimak Berakahren egiteko moduak zorrotz kritikatu zituen. Salatu zuen Berakah programan parte hartzen duten ehunka familiei erabateko obedientzia eskatzen diela elkarteak, mehatxua eta beldurra zabalduta daudela, edo gardentasunik ez dagoela. “Beste inork horrelakorik bizi ez dezan” eman zituela publikoki azalpenak: “Pertsonalki nahi dudana programatik irtetea da, duintasunez bizi ahal izateko mehatxu eta abusurik gabe. Baina Berakahn egoera oso zaurgarrian dagoen jende asko dago, menpekotasun egoera handian”.
Hala Bedik bideo honetan jaso du berriki Fatimaren lekukotasuna.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.