Armentia-2 putzuan gasa dagoen ikertzeko baimena ukatu du Gasteizko Udalak
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Urrian aurkeztu zuen lizentzia eskaera Eusko Jaurlaritzaren SHESA hidrokarburoen sozietateak Gasteizko Udalean. Subillako Armentia-2 putzuan gasik ba ote dagoen ikertzeko zundaketa egin nahi zuen SHESAk. Ezezko erantzuna ematen duen udal teknikarien txostenaren berri Gorka Urtaranek eman du asteartean.
Urtaran baimena ematearen alde azaldu zen iragan astean, besteak beste, herritarrek lurzoruan gasik ba ote dagoen jakiteko “eskubidea” dutela esanez. Txostena ezagutaraztean, udal teknikarien erabakia babesten duela adierazi du, “interes orokorraren” defentsan: "Ez dut Gasteizen interes orokorra inongo estrategiaren mende jarriko; ez energiarenean, ez bestelakoetan, ados egon arren. Ororen gainetik nire hiriko alkatea naiz, eta hiria defendatzeko nago hemen".
Gasteizko EH Bilduk alkateari eta EAJri exijitu die gasa erauzteko asmo oro baztertu dezatela, eta nabarmendu du “lizentzia ukatzeko erabakia ez dela Urtaranen oparia izan, Gasteizko gehiengo sozial eta politiko batek urteetan egindako lanari zor zaio".
Ezetza “albiste ona” dela adierazi du Berriztuk, eta lorpena herritarrena dela: "Gas proiektu horren aurka agertu diren pertsona guztiak zoriondu nahi ditugu, eta, batez ere, frackingaren aurkako borroka benetako herri oihu bihurtzea lortu zutenak". Erregai fosilen ustiaketaren aurkako eta eredu energetiko berri baten aldeko mugimenduak kontzentrazio jendetsua egin zuen larunbatean Udaletxe aurrean, SHESAri baimenak ukatzea exijituz.
EAJren bakardadea
Iragan astean gas erauzketaren inguruan EAJren bakardadea agerian geratu zen. Asteartean, Gasteizko Udalaren Klima Ekintzarako udal batzordean, Urtaran alkatea izan zen SHESAri baimena ematearen alde agertu zen bakarra. Oposizioko talde politiko guztiak aurka azaldu ziren, eta EAJrekin batera udal-gobernua osatzen duen PSEk ez zuen ezer esan. Asteazkenean, aldiz, Arabako Batzar Nagusietan gas erauzketaren aurka aurkeztutako mozioaren alde bozkatu zuen PSEk. Gauzak horrela, aste honetako asteazkenean mozio bat bozkatuko da Gasteizko Udalean, eta ikusmina dago PSE EAJrengandik aldenduko den edo ez.
Tapia: “Baliteke gaia hemen ez geratzea”
Asteazken goizean Arantza Tapia Ekonomiaren Garapeneko, Jasangarritasuneko eta Ingurumeneko sailburuak Gasteizko Udalaren erabakiaz hitz egin du Radio Euskadi-n. Armentia-2 putzua ikertzeko SHESAren proiektuak Ingurumen Ministerioaren baimena duela azpimarratu du, eta beraz “esplorazio-zundaketarako baldintzak betetzen” dituela. Udalaren ebazpenaren aurka helegite administratiboa edo auzi-errekurtsoa aurkeztea aztertuko dutela iragarri du Tapiak: "Baliteke gaia hemen ez geratzea".
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Laga hondartzaren ezaugarri naturalen leheneratzea duela hiru hamarkada abiatu zen, eta aurrera darrai etenik gabe, erlojuz kontrako lehengoratze mailakatuan.
Laga (Bizkaia) gune aparta da, natura eta gizarte ikuspegitik oso esanguratsua. Kostaldeko legeak eta Urdaibaiko... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Eragile ekologista ezagutzeko edo gai ekosozialetara hurbiltzeko interesa duen edonor gonbidatu dute aurkezpenetara. Aurkezpenak egiteaz gain, hitzaldiak, proiekzioak eta kontzerturen bat ere eskainiko dute zita horietan. Albistearen amaieran egitaraua.
Ingurumena kaltetzen duten proiektuen aurrean laguntza tekniko, juridiko eta administratiboa eskaintzen du Sustrai Erakuntza fundazioak Nafarroan. Urteetako ibilbidea dute eta hamaika helegite eta informe osatu dituzte hainbat proiekturi aurka egiteko: AHT, harrobiak, zentral... [+]
Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako alderdi desberdinak lantzen dituzten... [+]
50 inguru herritarrek egun osoko jardunaldia egin dute azaroaren 9an Maeztun, EHn ekofeminismoak gorpuzten lelopean. Goizean Euskal Herriko ekofeminismoak nolakoak diren deskribatzeko hainbat dinamika egin dituzte. Elkarrekin bazkaldu eta kantatu dute eguerdian, eta arratsaldean... [+]
Hendaiako ikastetxean komun klasikoak kendu eta komun idorrak eraiki zituzten martxoan. Ikuspegi ekologikoari tiraka, egitasmo orokorrago baten barne dute aldaketa: hondarrak jangelako konpostari gehitu eta guzia baliatzen dute ikastetxean duten baratze pedagogikoan, Hendaiako... [+]