Arma nuklearrei buruzko elkarrizketak izaten ari dira AEBak eta Iran
Washington eta Teheran Iranen programa nuklearraren inguruko bilerak egiten ari dira. Errusiara ere joango omen dira Irango ordezkariak aste honetan.
Amerikako Estatu Batuek eta Iranek aurreko larunbatean izan zuten Errepublika Islamikoaren programa nuklearrari buruzko elkarrizketa berrien lehenengo txanda, Mascaten (Oman). Abbas Araqchi Irango Atzerri ministroak eta Steve Witkoff AEBetako ordezkariak gidatuko dute negoziazio-taldea, eta aurreneko bileraren ostean adierazi zuten "positiboa" izan zela "elkarrizketen giroa". Itxura denez, mahai gainean dago Irani ezarritako zigor ekonomikoak atzera botatzea.
Donald Trumpek 2018an erabaki zuen Ekintza Integraleko Planetik alde egitea. 2015ean sinatu zuten plan hori Mendebaldeko potentziek eta Iranek, eta, horren bidez, Iranek konpromisoa hartu zuen programa nuklearra "helburu baketsuetara" soilik bideratzeko, Mendebaldeak ezarritako zigor ekonomikoak kentzearen truke. Trumpek 2018an akordioa bertan behera utzi zuenetik, ez dute auziaren inguruan gehiago hitz egin, joan den asteburura arte.
AEBetako presidenteak, baina, mehatxuzko tonu bat mantentzen du, iradoki baitu Iranen aurkako ekintza militarrak jar ditzakeela martxan negoziazioetan akordiorik ez bada. "Uste dut guztientzat dela hobea akordio batera iristea", esan zuen aurreko astean.
Nazioarteko tentsioa gora egiten ari den testuinguruan, Irango Errepublika Islamikoak bere programa nuklearra eta doktrina militarra alda ditzakeela ohartarazi dute azkenaldian, AEBen eta Israelgo Estatuaren mehatxuak gauzatzen badira behintzat. Yadollah Javani jeneralak berriki adierazi du Iran "aro berri" batean sar daitekeela, garapen nuklearrari dagokionez.
Dena den, momentuz, aurrera egingo dute Iranen eta AEBen arteko elkarrizketek. Badirudi larunbat honetan izango dela bigarren bilera, Erroman. Irango ministro Araqchik, gainera, horren aurretik bidaiatuko omen du Errusiara, Washingtonekin izandako elkarrizketen berri emateko Errusiako Gobernuari, hainbat iturriren arabera.
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Tel Avivek Irango programa nuklearra erasotzea hipotesia baino gerta litekeen zerbait dela esateko, atzera begiratu du hedabide ugarik: 1981ean Iraken eta 2007an Sirian, ehiza-hegazkin israeldarrek erreaktore bana birrindu zuten. Baina aurrekari horiek ez dute zer ikusirik... [+]
Japonia, 1945eko abuztuaren 6a eta 9a. AEBek bonba atomiko bana bota zuten Hiroshima eta Nagasaki hirietan milaka eta milaka hildako eraginez; kopuru zehatzik ez dagoen arren, urte horren bukaeran hildakoak gutxienez 210.000 inguru izan zirela diote kalkulu zuhurrenek. Baina... [+]
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]
Burua dardaratu eta ikaratu zigun ginkgoak (Ginkgo biloba). Lizar-makila denboran ginkgoa aspaldi galdutako zuhaitz espezietzat jotzen zen. Bere hostoen fosilak ezagutzen ziren, beste arrastorik ez.
Arma nuklearrak dituzten bederatzi herrialdeek 82.900 milioi dolar gastatu zituzten iaz arma horietan, 2021ean baino %3 gehiago. Arma Nuklearren Indargabetzerako Nazioarteko Kanpainak (ICAN) argitaratutako txosteneko datuak dira. Minutuko 157.000 dolar baino gehiago.
Vladimir Putinek iragarri du prest daudela jada hamar hegazkin armak Bielorrusian zabaltzeko. Europak mehatxu egin dio Bielorrusiari, eta planarekin aurrera jarraitu ezkero "zigor gehiagorekin" erantzungo diola adierazi du.
Ofizialki bederatzi estatuk dituzte arma atomikoak, eta horien %90 Errusiaren eta AEBen eskuetan da. 1945eko abuztuaren 6an eta 9an AEBek Hiroshimara eta Nagasakira jaurtikitakoez geroztik eraso atomikorik berriz bideratu ez izana "disuasio-printzipioari" lotu zaio... [+]
Putinek nazioari buruzko urteroko hitzaldian jakinarazi du “antzerki hutsa” dela akordio hori. Mendebaldeari egotzi dio gerraren erantzule izatea, eta Errusia soilik “indarra erabiltzen” ari dela “defendatzeko”. Armak “masan... [+]
Galtzeko arrisku handirik gabeko apustua da gainean dugun Kubako misilen krisiaren 60. urteurrenaren harira norbaitek gogora ekarriko duela “telefono gorria” abian jarri zela orduko bi potentzia nuklear nagusien artean. Besterik ez bada, esateko ditxosozko telefono... [+]
Kubako misilen krisiak hirurogei urte beteko ditu hilabete honetan. Gaur egun antzeko egoera batera hurbiltzen ari gara, baina iritzi publikoa ilargian dago.