Arma nuklearrarekin erantzuteko bidea ireki du Putinek, Ukrainak AEBek eta Ingalaterrak emandako misilekin eraso egin eta gero
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
AEBek emandako ATACMS misilekin eraso egin dio Ukrainak Errusiari, muga egiten duen Errusiako Briansk eskualdean, baita Ingalaterrak emandako Storm Shadow misilekin ere, Kursk eskualdean.
Irismen luzeko misilak baliatzeko baimena eman zion Ukrainako presidente Volodimir Zelenskiri azaroaren 17an AEBetako Joe Biden presidenteak, hortik urrats berri bat emanez Ukrainaren alde. Mahai gainean zegoen aukera jadanik irailean eta orduan ere argi utzi zuen Putinek: "NATOko herrien zuzeneko esku-sartzea litzateke urrats hori". "Egoera berri batean" direla erranik, berehala eman du bere erantzuna Errusiak: arma nuklearrarekin erantzuteko aukera dakarren dekretua izenpetu du Putinek. Horrez gain, pertsonen kontrako minak Ukrainaren esku uztearen alde ere agertu da Joe Biden, oinez aitzinatzen diren errusiar soldaduei eraso egin ahal izateko. Mina horien erabilpena debekatzen duen 1997ko hitzarmena ez dute izenpeturik AEBek –ordea, mundu mailako 164 estatuk bai–.
Kremlinen webgunean jarri dute ikusgai doktrina militarrean egindako aldaketak biltzen dituen dokumentua. Irizpide berriei segi, Errusiak arma nuklearrarekin erantzuten ahalko die "etsaien" erasoei, baldin eta arma konbentzionalak erabilita egindako erasoak "mehatxu larriak" badira nola Errusiaren hala Bielorrusiaren burujabetasunerako eta lurralde batasunerako. Hegazkinekin, gurutzaldi misilekin zein droneekin "eraso masibo bat" pairatzeak ireki lezake bidea.
Dena dela, doktrina militar eguneratuan Errusiak berretsi egiten du "disuasio tresna" gisa ikusten duela arma nuklearra, eta zehazten du "muturreko neurri bat" litzatekeela erabilpena.
Misil balistiko jaurtiketa salatu du Ukrainak
Errusiak misil balistiko batekin eraso egin izana salatu du ostegun goiz honetan Ukrainako armadak. Astrakhan eskualdetik jaurtiki izana zehaztu du Ukrainak, baina oraingoz ez du informazioari buruz iharduki Errusiak. Konbentzionalak edo nuklearrak izan daitezke arma horiek.
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]