Arma industriara diru publikoa bideratzeari uzteko aldarrikatu dute bizikletaz
Gerraren, gastuaren eta industria militarraren aurkako Hamahirugarren Bizi(kleta) Martxa egin dute apirilaren 10ean, Bilbon. Gastu militarra eta arma trafikoa amaitzea eskatu dute beste behin.
Bizkaiko talde antimilitarista, ekologista eta internazionalistek antolaturiko Martxak bi helburu nagusi izan ditu: batetik, “salatzea gero eta inplikazio handiagoa dutela erakundeek sektore honetako euskal enpresekin, baina murrizketak egiten direla osasungintzan, pentsioetan, berdintasun-politikoetan, gizarte-prestazioetan edo COVID-19 pandemiak gutxiagoturiko aukeretan”, eta bestetik, “eskatzea ekoizpen militarra ekoizpen zibila bihur dadila eta arma-trafikoa buka dadila”.
Bizikleta martxan antolatzaileek azaldutakoaren arabera, Eusko Jaurlaritzak 100 milioi euro inguruko dirulaguntza ematen du industria militarrerako, batez ere sektore aeronautikoari lotuta –Barakaldon filial bat duen ITP Aero enpresa da horren adibide–, eta EAEk 600 milioi euro egiaztatzen ditu urtero industria militarraren bidez. Are, Espainiako Estatuan gehien fakturatzen duen hirugarren erkidegoa da EAE, Madril eta Andaluziaren atzetik, diote Martxaren antolatzaileek.
Yemengo herriaren aurka erabiltzen diren armak
“Euskal ekoizpen militarrean ehun enpresak hartzen dute parte eta produkzioaren %80 Saudi Arabiara bideratzen da, Yemengo herriaren aurka arma horiek erabiltzen dituena”, salatu dute Martxako kideek.
Hain juxtu, Delàs zentroak bankuen eta arma industriaren arteko lotura aztertu du aurten ere, eta El Salton jaso dutenez, Saudi Arabia eta Arabiar Emirerrietako armadei armak saldu dizkien enpresetara 607.0000 milioi dolar bideratu dituzte nazioarteko bankuek. 2015-2019 urteetan bideratu zuten dirutza hori, Saudi Arabiak eta Arabiar Emirerriek Yemengo herritarren aurka eraso egin zuten urteetan. Aipatzen diren Europako bankuen artean daude Deutsche Bank, Barclays, BNP Paribas, Bankinter, Sabadell eta Bankia, besteak beste. Eta Espainiako Estatuko bi banku handienek, BBVA eta Santander bankuak, 5.321 milioi dolarrekin finantzatu dituzte enpresa hauek, Delàsen ikerketak jasotzen duenez.
Ursula Von der Leyen Europako Batzordeko presidenteak Europa berrarmatu plana aurkeztu du, kontinentea "erresilientea eta segurua" bihurtzea xede duena. Bost zati ditu planak, eta estatu kideek 150.000 milioi euro jasoko dituzte mailegutan. Arau fiskalak moldatuko... [+]
Euskal Herriaren industriaren etorkizuna ezin dela "heriotzaren, odolaren eta armen gainean" eraiki aldarrikatu dute mobilizazioaren antolatzaileek. Euskal erakundeen nahiz alderdi politikoen "isiltasuna" salatu dute.
Zedarriak Foroak Euskadi eta Europar Batasuna, oparotasunaren eta lehiakortasunaren patu partekatua txostena aurkeztu zuen urtarrilaren erdialdean. Bertan, EAErako gomendioak jasotzen dira, Draghik eta Lettak Europako Batasunerako aurkeztu dituzten txostenak erreferentziatzat... [+]
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren... [+]
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Urtarrilaren 15ean Zedarriak enpresa foroak bere seigarren txostena aurkeztu zuen Deustuko Unibertsitatean, Bilbon. Zedarriak taldeko zuzendari Guillermo Dorronsorok azaldu zuen hurrengo urteetan “segurtasun eta defentsa industrian” diru asko inbertituko dela... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
"Ez gaude prest lauzpabost urte barru datorkigunerako. Arriskua ziztu bizian dator guregana. Aurre egin behar diogu: Ukrainan gertatzen ari dena hemen ere gerta liteke” (...) “Errusia, Txina, baina baita Ipar Korea eta Iran ere, gogor ari dira lanean Ipar... [+]
Zerrenda honetan, 2016az geroztik armagintza programaren batean parte hartu duten enpresak sartu ditu Gasteizkoak taldeak, edo militarrentzako produktu espezifikoak garatu dituztenak (ibilgailuak, pinturak, bateriak…). Hego Euskal Herrian sortuak, edo Hego Euskal... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
José Luis Zapatero Espainiako presidente zela hasi ziren akordioa lantzen 2011n eta 2014an gauzatu zuten Espainiako Mariano Rajoy eta Israelgo Shimon Peres presidenteek. Publico komunikabideak eman du akordio horren berri.