Arkaitzerrekako isuriagatik isuna jarri dio GHK-k erraustegia kudeatzen duen enpresari
45.000 euroko isuna jarri dio Gipuzkoako Hondakinen Kontsortzioak (GHK) Zubietako erraustegia kudeatzen ari den Ekondakin enpresari, maiatza hasieran Arkaitzerrekan izan zen isuriagatik. Erraustegitik izandako isuri hark ehunka arrain hil zituen.
Maiatzaren 7an Zubietako erraustegitik Arkaitzerrekara isuritarako amoniakoak ehunka arrain hil zituen. Bertako bizilagunei esker eman zen jazotakoa ezagutzera. Gipuzkoako Hondakinen Kontsortzioak (GHK) hasiera batean ukatu egin zuen erraustegiak zerikusirik zuenik isuri horretan; gerora izan ziren ebidentzien aurrean, erraustegiko gunetik amoniako isuria izan zela onartu behar izan zuen.
Baina gerora, erantzukizuna erraustegia kudeatzen duen enpresari egotzi zion GHK-k. Gai honi buruz EHBilduk Gipuzkoako Batzar Nagusietan interpelatu zuen Kontsortzioko lehendakari eta foru ingurumen diputatu Jose Ignacio Asensio. Agerraldi hartan, "gertaera puntual" baten gisara definitu zuen Asensiok, maiatza hasieran Arkaitzerrekan gertaturikoa. Larritzat jo eta erantzukizuna enpresa kudeatzaileari egotzi zion.
3 arau hauste administratibo (bi arin eta larri bat) egin zituela adierazi zuen. Urrats berri bat eman du orain Kontsortzioak; 45.000 euroko isuna jarri dio Ekondakin enpresari; 25.000 euroko isuna amoniako isuriaren berri ez emateagatik. Arau hauste larritzat jotzen du GHK-k. 10.000 euroko isuna kubetaren diseinuaren aldaketaren berri ez emateagatik; beste 10.000 euroko isuna pH metroa matxuratuta zegoela ez egiaztatzeagatik. Azken bi hauek arau hauste arintzat jotzen ditu Kontsortzioak.
Bide judiziala
GHK-k gaur egin duen asanbladan erabaki du isunok jartzea. Horrez gain, gogoan izan, Anerreka Ingurumen Elkarteak, Zubieta Lantzenek eta Eguzkik salaketa aurkeztu zuten Gipuzkoako Ingurumen Fiskaltzan. Fiskaltzak Arkaitzerrekako isurketa "ingurumenaren aurkako ustezko delitu bat dela uste du" eta "egin dituen ikerketa-diligentziak Donostiako 5. Instrukzio Epaitegira bidali ditu, berau baita kasuaren ardura duena". Ingurumenaren aurkako deliturik egon den erabaki beharko du.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.