Duela bi urte ehunka arrain hil zituenean baino gehiago kutsatu du erraustegiak Arkaitzerreka oraingoan, analitikak erakutsi duenez
Bi aste igaro arren Zubietako erraustegi azpitik pasatzen den Arkaitzerreka oso kutsatuta agertu zenetik, ez dute inolako informaziorik eman Gipuzkoako Hondakinen Kontsortzioak (GHK), Gipuzkoako Foru Aldundiak, Eusko Jaurlaritzak edota Ura agentziak. "Zubietako Erraustegiak zerekin eta zenbat kutsatzen gaitu?", galdetu dute Errausketaren Aurkako Mugimenduko (EAM) kideek, kutsaduraren analitikaren datuak eskuetan, prentsara igorritako oharrean.
Usurbilgo Udalak eta EAM-ek Arkaitzerrekan jaso eta laborategira bidalitako ur kutsatuaren analisien emaitzak jakin dira egunotan.
"Urgentziazko analisi horiek erakutsi dute, alde batetik, Arkaitzerrekan 2022an aurkitutako kutsadura handiagoa dela 2020ko maiatzean aurkitu zena baino. Orduan zientoka arrain eta aingira azaldu ziren hilda bertan. Oraingoan horrelako argazkirik ez da ikusi, ziurrenik erreka geroztik “erreta” dagoelako arrainik gabe, baina laborategiko analisiek erakutsi dute oraingoan are kutsadura handiagoa dagoela Arkaitzerrekan".
Zehazki, kloruroetan, amonioan, konduktibitatean eta DQOn (Oxigenoaren Eskaera Kimikoa) ezohiko maila altuak aurkitu dira analisietan. Horrez gain, gutxienez hiru metal astunen kontzentrazioak askoz handiagoak dira ur edangarriak eraman ditzakeen gehieneko maila baino: Arkaitzerrekan kobreak bikoiztu egiten du urak edateko modukoa izateko behar duen maila eta nikelaren kasuan lau aldiz biderkatzen du hori.
EAM-etik gogor salatu dute Zubietako erraustegiaren martxa eta kutsaduren inguruan agintariek ezarri duten isiltasuna. "Erraustegia proiektu hutsa zenean herri mugimendutik iragarri genuena, tamalez jada gertatzen ari da: hiri hondakinen arazoa ez konpontzeaz gain, istripuak, suteak, erreka kutsatzeak, eta abar", diote.
Gipuzkoako herritarrek –tartean erraustegia ate ondoan sufritzen dutenek– jasotzen dituzten albiste bakarrak herri mugimenduko boluntarioek lortutakoak direla salatu dute. "Agintariak, halakoak ez gertatzeko neurriak eta kontrolak ez jartzeaz gainera, mutu gelditzen dira, edo aukera daukaten aldi oro, herritarron osasunaren aurretik, enpresa pribatuen interesak babestera mugatzen dira. Herritarrok babesik gabe gaude Gipuzkoan eta EAEn agintzen duen erregimenaren aurrean. Erregimena, bai, zeren eta Gipuzkoan eta EAEn pertsona, alderdi, enpresa eta talde berdinak dira legeak egiten dituztenak, legeak aplikatu behar dituztenak, legeen urraketak pertsegitu behar eta pertsegitzen ez dituztenak eta herritarrei hori guztia gardentasunez azaldu beharrean beren hedabide publiko eta pribatuetatik sistematikoki ezkutatzen diotenak".
Guzti horregatik EAM-etik herritarrei eskatu diete adi egoteko, etsipenean ez erortzeko eta mobilizatzen jarraitzeko "gure eta gure ondorengoen osasunaren, bizi duinaren, enpleguen eta etorkizunaren alde".
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.