Hizkuntz eskubideen urraketak salatu dituzte Zarragaren epaiketa atarian
Dozenaka lagun batu dira Bilbon Arkaitz Zarraga euskaltzaleari babesa adierazi asmoz. Honek epaiketa izan du ostegun goizean, 2018ko abuztuan hainbat udaltzainekin euskaraz mintzatzen saiatzeagatik. Mozal Legearekin zigortu zuten, 900 euroko isunarekin, "autoritateari errespetu falta" egotzita.
Hainbat izan dira Zarragari elkartasuna adieraztera hurbildu diren eragileak: Hizkuntz Eskubideen Behatokia, Euskal Herrian Euskaraz, Bilboko Konpartsak, Greenpeace eta Mozal Legearen Aurkako Herri Plataforma, besteren artean.
Kalean, hedabideentzat hainbat adierazpen egin dituzte. Behatokiaren izenean Agurne Gaubekak hartu du hitza. Salatu du halako kasuak ez direla isolatuak eta Behatokian jasotzen dituzten hizkuntz eskubideen urraketak ugariak direla. Segurtasun indarrekin izandako elkarrizketetan botere harremanak presente daudela salatu du eta horren ondorioz, herritarrek euskaraz hitz egitea erabakitzen badute agente batzuek desobedientzia ekintza gisa ikusten dutela, eta horrek "ondorio larriak" eragin ditzazkela; eta bestela, askotan herritarrak gaztelaniara pasatzen direla, arazoak ekiditeko.
Euskal Herrian Euskarazek Bilboko Udalaren jarrera salatu du. Bilboko Udaltzainen jarreratik hasita, Juan Mari Aburto alkateak gaiaz mintzatzerakoan izan zuen jarreraraino. Salatu dute urteak direla Bilbon Euskararen Udal Ordenantza eskatzen ari direla eta Udalak ez duela halako tresnarik onartzen.
Bilboko Konpartsek ere hitza hartu dute. Zarraga Hau Pittu Hau konpartsa euskaltzaleko kidea da. Ondokoa salatu dute: "2018ko Aste Nagusian jasandako erasoa konpartsoi ez ezik, euskaldun eta herritar denei ere egindako erasoa izan da, eta ez du kabidarik gure jai-eredu herrikoian". Beren ustez, bertako hizkuntzari errespetua eta hizkuntza-eskubideen bermea ezinbestekoak dira gizarte plural, kritiko, parekide eta arduratsu batentzat. "Bilboko konpartson ustez, Juan Mari Aburto alkateak eta Tomas Del Hierro Segurtasun zinegotzi ohiak Udaltzaingoari markatutako 'norabide erasokorraren ondorioa' da auzi hau".
Kontzentrazioa kalean zela, Ertzaintza agertu da autorizazio eske.
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
"No entiendo, en castellano por favor" eta gisakoak ohikoak dira eskolako guraso Whatsapp taldeetan, baina Irungo Txingudi ikastola publikoan euskara hutsean aritzeko modu erraz eta eraginkorra dute, behar duenarentzat itzulpen sistema berehalakoa ahalbidetuta.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
