Argindarra %30 garestitu dute Hego Euskal Herrian hotz olatuaren erdian
Argindarra historiako bigarren preziorik altuenera iritsi da urtarrilaren 8an, Europako energia garestiena duen Espainiako estatuan. Hori dela-eta, Espainiako Gobernuak ikerketa bat abiarazteko eskatu dio Lehiakortasun Batzordeari. Adituek diotenez, aldagai hauek ekarri dute argindarraren gorakada: jasaten ari garen negu bortitzagatik eskaera asko igo izana, gasarekin funtzionatzen duen ziklo konbinatuko zentralari ohikoa baino ekoizpen handiagoa eskatzea eta energia berriztagarrien ekoizpen urria.
Urte hasierarekin etengabe hazi da elektrizitatearen prezioa. Historiako bigarren preziorik altuenera iritsi zen joan den ostiralean, urtarrilaren 8an: 94,99 euro/MWh izan zen prezioa eta hurrengo egunetan 100 eurotik gora hazteko mehatxua dago.
Negu giro bortitz honi aurre egiteko eskaera igo izanak, gasarekin funtzionatzen duen ziklo konbinatuko zentralari ohikoa baino ekoizpen handiagoa eskatzeak eta energia berriztagarrien presentzia eskasak, agindarra %30a baino gehiago igotzea eragin du Hego Euskal Herrian. Erremate bezala, Maria Artetxe Goiener Sareko ordezkariak Eitbri eskainitako elkarrizketan jakinarazi duenez, Europa eta Asia aldean jasaten ari garen baldintza klimatikoek gasaren eskaria handitu dute eta honenbestez, honen prezioa ere historiako handienetara igo dute.
Artetxek elkarrizketa honetan azaltzen du argindarraren prezioa orduero finkatzen dela enkantean eta prezioaren kalkulu hori "ez dela oso gardena":
Ikerketa baten esperoan
Gertatzen ari denak eman duen zer esana dela eta, hori honela, Espainiako Gobernuak, Espainiako Lehia Batzorde Nazionalari ikerketa bat abiatzeko eskatu dio. Izan ere, 2013.urtean, batzorde honek berak 25 milioi euroko zigorra ezarri zion Iberdrola energia enpresari antzeko kasu batengatik (eta oraindik ez du isun hori ordaindu). El Salto hedabideak sakon landu du gaia. Erreportaje horretan jaso du Facua kontsumitzaileen elkartearen salaketa: urtarrilan argindarraren prezioak %35,8 egin du gora iazko datuekin alderatuta, eta Espainia energia garestiena duen Europako herrialdeen artean kokatu dute.
"Arazoa ez da hotz olatua, pribatizazioa baizik"
El Saltoko artikuluak erreferentzia egiten dio Jorge Fabra Utray-ri (Krisiaren Aurreko Ekonomialariak blogaren egilea). Honen arabera, "argindarraren prezioa ez da hotz olatuagatik lehertu. Lehertu da argindarraren merkatua erregulatzen duen 54/1997 Legeagatik". Lege hori José María Aznarrek onartu zuen eta hor ezarri zen egun prezioak finkatzeko dagoen sistema. Ekonomialari honen arabera, arazoa Iberdrola, Naturgy eta Endesak %90a xurgatzen duten merkatua da, "ez baita eraginkorra eta estatuaren ekonomia kaltetzen baitu egunero, egin hotz zein bero, eta pobrezia energetikoko arazoak larritzen ditu".
Espainiako Gobernuak ezarritako zerga jaitsieren neurria iraungi egingo da urte honen amaieran.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Iruñeko Udalak 324.885 eurora handitu du Gabonetako argietara bideratutako aurrekontua. Azaroaren amaieran –San Saturnino egunaren bueltan– piztuko dituzte, eta urtarrilaren 6an itzali.
Batez beste 209 euro aurreztu dira etxebizitza bakoitzean, ESADEk egindako ikerketaren arabera.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
Carlos Sánchez Mato Madrilgo Unibertsitateko ekonomia aplikatuko irakaslea da eta Ezker Batuko programazioa egitearen arduraduna. El Salto hedabidean idatzi duen artikulua euskaratu dugu. "Europako Banku Zentralak erabaki du diruaren prezioa 75 puntutan igotzea... [+]
Erakusleiho itzaliak eta aire girotua kontrolpean eduki behar dira besteak beste energia aurrezteko planaren arabera. Eraikin batzuk aurreratu egin dira, eta neurriak sartu aurretiko gauean ere argiak itzali dituzte.
Aurten 4.200 milioi euro irabaztea espero du Iberdrolak eta Ibex35ean gehien irabaziko duena izatea.
Alemaniako Gobernuak bultzatuta, udako hilabeteetan 9 euroren truke nahi beste bidaiatu ahal izango da tren batzuetan eta garraio publikoan, argindarraren prezio gorakadari aurre egitea helburu. Herritarrak saldoan joan dira bonoak erostera, baina bada trenbide-sarea... [+]
Hamar egun daramatza familiak argindarrik gabe, estatu mailan indarrean dagoen moratoria urratuz, Auzoan Bizi etxebizitza sareak salatu duenez. Berakahren antzeko jarrerak “ohikoak” direla ziurtatu dute.
Hiru. Orain dela urte batzuk argindar-kontagailu analogikoa kendu eta digitala paratzeko agindu zigun Iberdrolak. Aldian-aldian langileak bidaltzen zituzten etxera aurretik abisatu gabe. Susmo txarra hartu genien interes eta tema ezohiko haiei: haiek, kontagailua aldatu behar... [+]
Azken hilabeteotan Iberiar Penintsulako handizkako merkatuan argindarraren prezioa etengabe ari da gora egiten. Urriaren 5ean, historian lehen aldiz, orduko megawattak (MWh) 200 euroko langa gainditu zuen, eta ordutik muga horren gainetik dago prezioa. Zer dela eta aldatzen da... [+]