ARGIAren salaketak oihartzun zabala izan du hedabideetan
Solway Investment Group meatze-enpresak ARGIA mehatxatu arren, 15.000 euro ordaintzeari eta Paolina Albaniri egindako elkarrizketa ezabatzeari uko egin dio. Hedabide, erakunde eta eragile andanak babestu dute erabakia, eta dozenaka elkartasun eta babes mezu ikusi dira sareetan.
ARGIAk asteartean argitaratu du Solway Investment Group meatze-enpresaren mehatxua ez duela onartuko eta gaiaz informatzen jarraituko duela. Ohiartzun zabal izan du erabaki horrek, eta hedabide, erakunde eta eragile askok elkartasun eta babes mezuak bidali dituzte.
Hainbat hedabide izan dira albistea zabaldu dutenak. Euskal Herriari dagokionez, Berria, Naiz, Arabako Alea, Gedar, Hamaika Telebista, Hala bedi, Aiaraldea, Goiena, Aiurri, Txintxarri, Zu Zeu eta Europa Press hedabideek, besteak beste.
97 irratiak, Ahotsak, Alerta Gorria Irratiak eta Txapa irratiak elkartasuna eta babesa adierazi dizkiote, eta kazetaritza independentearen alde lanean jarraitzea galdegin diote. Euskadi Irratiak eta Naiz Irratiak albistegietan jaso dute, besteen artean. Naiz irratian Leire Artola kazetaria elkarrizketatu dute, baita Euskalerria irratian ere. Bilbo Hiria irratian ere gaiaz mintzatu dira.
Euskal Herrian ez ezik nazioartean ere izan du oihartzuna gertakariak. Herrialde Katalanetako Directa-k eta Espainiako Estatuko El Salto-k argitaratu dute albistea. Aragoiko Arainfo-k “babes osoa” adierazi dio eta Guatemalako Prensa Comunitaria-k ere mehatxuaren berri eman du, eta adierazpen askatasuna murrizteko saiakera dela uste du.
Hedabideez gain, gizarte eragile eta erakundeek ere salatu dute egoera. Tartean, STEILAS, CNT eta LAB sindikatuek elkartasuna adierazi diote. Euskal hedabideen elkartea den Hekimenek ere babesa adierazi dio, eta kazetaritzaren aurkako erasoak arbuiatu ditu. Olatukoop sareak informazio burujabetzaren kontrako erasoa gaitzetsi du irakurketa bidez. Haien aburuz, kasu honetan ekonomia kapitalistak ezinbestekoa duen izaera “koloniala eta estraktibista” nabarmendu da. Horregatik, beharrezko elkartasun materialeko tresnak martxan jartzeko prest agertu da.
Metin Yegin zinemagile kurduaren eskutik 3 Fraue 1 Streik proiektuaren zenbait pasarte antzeztu zituen Gordexolan irailaren amaieran. 1973an Alemanian gertatutako greba batean oinarrituta dago pelikula.
Ion Brakamonte Unanue zumaiar musikari eta irakasleak ia Amerika osoa zeharkatu zuen bi urte eta erdiz (2018-2021), Argentinatik hasi eta AEBetara arte. Bidaiaren bizipenak biltzen dituen Amapatxa. Amets bat, bide bat liburua kaleratzeko crowdfundinga jarri du martxan... [+]
Elkartenet eta Agharas elkarteetako kideek berreskuratu eta TxikiLinux instalatutako 22 ordenagailu eraman dituzte Afrika iparraldeko Errachidia (Imet?aren amazigeraz) eskualdera, bertako ikastetxeetako irakasleei aurkeztu eta formazioa emateko. Tokiko amazig erakundeekin... [+]
2020an egitekoak ziren azken Lasterbidean, euskal presoen eskubideen aldeko lasterketa, baina pandemiak atzeratzera behartu zituen. Aurten maiatzaren 28an egingo dute Kanpezun. Lasterketa luzea eta laburra izango dituzte, eta bazkari herrikoia ere bai.
Bilboko Udalak hesiak ezarri zituen pasa den abenduan Atxuri auzoko kirolgunean. Gauez itxi egiten dutenez, etxerik gabeko migratzaileek ez daukate bertan lo egiterik, orain gutxi arte bezala. Pertsona horiekin elkartasunez hainbat lagunek hesiak bota dituzte, "arrazakeria... [+]
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Mirentxin boluntarioen taldeak azaldu duenez Etxerat elkarteak adierazi die jadanik ez dela euren laguntzarik behar euskal presoei bisitak egiteko bidaietarako, preso gehienak gertuagoko kartzeletara hurbildu dituztelako. 1999an sortu zen kolektiboa eta urtero 700 gidari baino... [+]
“Uste dut sozialki onartutako protesia bularreko minbizia duten emakumeak isildu eta elkarrengandik bereizteko modu bat gehiago besterik ez dela”. Halaxe jaso zuen Audre Lorde idazle afro-amerikarrak 1980an, The Cancer Journals (Minbiziaren egunerokoak) liburuan... [+]
Pairatu jazarpen hau dela eta, haien "harridura" eta "mina" nabarmendu dute Etorkinekin elkartasun sarekoek. Migratzaileak laguntzen segituko dutela argi utzi du Ipar Euskal Herriko kolektiboak.
Astearte gauean joan da Tubacexeko langileen talde bat Cadizera eta hango erresistentzia kutxan egingo dute ekarpena.
Aurten ere haur sahararrek udan etorri izan ez dutenez, euskaldunen eta sahararren arteko harremana mantentzeko eskutitzak idazteko proposamena egin dute, Mezuak Hodeietan kanpainaren bitartez.
Gutxitan nabarmentzen dira hedabideetan migratzaileen jarrera solidarioa erakusten duten albiste positiboak, joan den astean Bilbon gertaturikoa bezalakoak. 72 urteko gizonezko bat Ibaizabalera erori zen eta lau pertsonak salto egin zuten salbatzeko. Horietako hiru afrikar... [+]