ARGIAk eta HALA BEDIk kexa bana aurkeztu dugu Sindikoan eta Arartekoan, Poliziaren jarrera salatzeko
Iragan maiatzaren 7an eta 8an ARGIAko eta HALA BEDIko kazetarion lana oztopatu zuen Poliziak Gasteizen, mehatxuak eta gezurrak erabilita. Bi hedabideok Ertzaintza eta Gasteizko Udaltzaingoaren jarrera salatu dugu Arartekoan eta Gasteizko Sindikoan aurkeztutako kexen bidez.
Denbora tarte laburrean Polizia ARGIAko eta HALA BEDIko kazetarion lana oztopatzen saiatu zen Gasteizen. Maiatzaren 7an Gasteizko udaltzain batek Olarizu etorbideko etxebizitza batean bizi zen familia batekin erlazionatutako polizia operazioaren irudiak hartzea ekidin nahi izan zion ARGIAko kazetari bati. Maiatzaren 8an, aldiz, TALKA espazio feministaren desalojoaren aurkako protesten berri ematen ari zen Hala Bediko kazetari bati trabak jarri eta telefonoa kendu zion Ertzaintzak.
Orduan iragarri bezala, bi hedabideok kexa bana aurkeztu ditugu Sindikoan eta Arartekoan Poliziaren jarrera salatuz eta erantzukizunak eskatuz. Aurkeztutako kexek Kazetarien Euskal Elkargoaren (KEE) eta Euskal Kazetarien Elkartearen (EKE) babesa daukate. Kazetarien bi erakundeek maiatzean argitaratutako prentsa-oharretan “gogor” salatu zituzten Poliziaren mehatxuak “informatzeko eskubidearen aurkako ekintzak” zirela adierazita.
Kasuen gaineko balorazioa egitea galdegin zaie herritarren defendatzailearen bi erakundeei, baita Poliziak gertatutakoaren gaineko barne-ikerketarik abiatu duen jakitea ere. Halaber, edozein herritarrek espazio publikoan lanean ari diren poliziaren irudiak hartu daitezkeen edo ez argi dezaten eskatu zaie Sindikoari eta Arartekoari; ARGIAko eta HALA BEDIko kazetariek jasotako bezalako mehatxuak ekidite aldera garrantzitsua baita legedia argitzea.
Informatzen jarraitzeko konpromisoa
Informatzen jarraituko dugu. Ez da lehen aldia poliziak informatzeko eskubidearen eta kazetarien aurka egiten duena, Euskal Herrian eta munduan. Ez da lehen aldia ARGIA eta HALA BEDIko kazetariak direna jazarriak. Iraganeko zentsura saiakeren aurrean esan genuen, eta gaur berretsi egiten dugu: informatzen jarraituko dugu.
Informazio eta adierazpen askatasunak oinarrizko eskubideak dira. Boterearen jardunari eta poliziaren lanari jarraipen kritikoa egitea, jendarte osasuntsu baten eguneroko arrunta beharko luke. Hori horrela ez den bitartean, bereziki ezinbestekoak dira gehiegikerien lekukotasuna ematen duten hedabide independenteak.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
Joseba eta Eñaut Alvarez aita-semeak zigortu dituzte San Sebastian egunaren bezperan Plaza Berrian Udaltzaingoarekin izandako talkarengatik. Bakoitzari 750 euroko zigorra ezarri diete, eta ostegunean epaitegian deklaratu dute.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Iazko urrian, pertsona bat kanporatu zuten Bilboko futbol zelaitik, Donetskeko bandera eramateagatik; elkartasunez, San Mamesetik alde egin zuten hainbat lagunek. Orain, hainbati jakinarazi diete 3.000 euroko isunak ezarri dizkietela, baita urtebetez kirol guneetara sartzeko... [+]