ARGIA Durangoko azokan: ezer ez galtzeko gida azkarra
Durangoko Azoka gainean dugu, eta ARGIA berriz ere bertan izango da bere proiektu komunikatiboa ezagutarazi eta produktuak eskaintzen. Horrez gain, interneten ere eskuratu daitezke liburu, kamiseta, jolas eta bestelakoak, azokak irauten duen egunetan bidalketa gasturik gabe. Hemen duzue galdera ohikoenei erantzuna ematen dien gida-azkarra.
1) Non izango gara?
Landakoko Goienkalen aurkituko gaituzue, 68-69-70 standetan, sarrera nagusitik aurrera egin eta informazio gunea egoten den tokia igarota (ikusi mapa).
Horrez gain, Mbolo elkarteko gure lagunekin batera ere izango gara Durangon. Elizapeko arkupeetan mahaiak jarriko ditugu eta Inor ez da ilegala leloa daramaten produktuak saltzen ariko gara hor ere.
Durangora gerturatu ezin duenarentzat, bada beste aukera bat: Lasarte-Oriako ARGIAren egoitzan zabaldu dugun dendan eskura izango ditugu produktu guztiak, abenduaren 6an eta 7an.
2) Zein dira nobedade nagusiak?
Azken asteotan hainbat nobedade argitaratu eta aurkeztu ditugu, eta Durangon izango dituzu makinetatik atera berriak. Liburuen artean, Garbiñe Larrearen Sendabelarrek dakitena da berritasun horietako bat; Koldo Rabadanen Bidean hezkuntzari buruzkoa eta Zigor Olabarriaren Txori Urdinak kazetaritza lana ere oraintxe aurkeztu ditugu.
Xapoketan karta-jolasarekin batera, aurten puzzlea ere aurkituko du Durangora hurbiltzen denak. Eta Inor ez da ilegala poltsa, kamiseta eta jertseez gain, petatxu bordatuak ere izango ditugu nobedade gisara, ARGIA aldizkariarekin batera.
Ilargia eta Landareak 2022 agenda, aurtengo Ilargiaren Egutegia eta ARGIA 2022 egutegia eskuragai izango dira gure standetan. Baita irakurleek asko estimatzen dituzten Jakoba Errekondoren liburuak ere: Etxeko Landareak, Bizi Baratzea...
3) Egileak sinatzen ariko dira?
Bai. Jakoba Errekondo egunero ariko da Durangon bisitarien liburuen inguruko informazioa ematen. Garbiñe Larrea abenduaren 6an, 7an eta 8an izango da; Zigor Olabarria abenduaren 6an; eta Koldo Rabadan abenduaren 5ean.
4) ARGIAkoa egiteko aukera izango da?
Bai. Durango gure komunitatearekin harremanetan jartzeko plaza nagusietako bat dugu eta, nola ez, kide egin nahi duenarentzat aukera bikaina da komunikazio proiektuaren inguruko informazioa lehen eskutik izateko. ARGIAren lantaldekoak han izango dira datu guztiak eman eta hartzen, eta ongi etorria egiten.
Horrez gain, noski, kide egin nahi duenak argia.eus/eginargiakoa webgunean ere badu aukera, beti bezala. Gure komunitatea da proiektuaren sostengu nagusia, kazetaritza independentea izan dadin, jendearen babesa beharrezkoa baita.
5) On-line erosi daitezke produktuak?
Produktuak interneteko ARGIAren azokan ere badaude, informazio guztiarekin. Beraz, Durangora gerturatu ezin duenak, webgunean sartu eta nahi dituenak saskiratu ditzake modu erraz batean; etxera bidaliko dizkizugu. Gainera, azokak irauten duen bitartean bidalketa gastuak doan izango dira.
Bestalde, Durangoko Azokaren webgunean ere ARGIAren produktuak on-line eskuragai izango dira.
6) Aurkezpenak noiz eta non izango dira?
Hauek dira gure nobedadeen aurkezpen eta hitzaldien kokapena, eguna eta ordua:
Abenduak 4:
Ilargia eta landareak agenda (Jakoba Errekondo), 12:00etan Musika eskolan.
Abenduak 5:
Xapoketan Puzzlea (Iñaki Sanz eta Eñaut Aiartzaguena), 10:30ean Durangoko Saguganbaran
Bidean (Koldo Rabadan), 11:30ean Musika eskolan
Ilargiaren egutegia (Jakoba Errekondo), 16:00etan Musika eskolan
Abenduak 6
Txori Urdinak (Zigor Olabarria), 11:30ean Musika eskolan
Etxeko Landareak (Jakoba Errekondo), 16:00etan Musika eskolan
Abenduak 7:
Sendabelarrek dakitena (Garbiñe Larrea), 11:00etan Musika eskolan
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Iragan asteko ostegun eta ostiralean burutu zen ‘Nondik eta zeri ari gatzaizkio bertsotan?’ ikastaroa; 50 lagun elkartu dira jardunaldietan bertsoaren inguruko gaiez gogoeta egiten.
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Kiosko bat, krisian, Benidormeko giri artean. Eta egunkarien atzean, txandaka, adinak eta mundu ikuspegiak desberdintzen dituzten bi lagun. Kontrastezko osagai horiekin garatu du Lizar Begoñak bere lehen eleberria: Mundu zitalaren kontra. Gisa bereko inguru batean batu... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Ostegunetik aitzina egingo da festibala Bilbon, Kobetamendin. Behin baino gehiagotan salatu da bertako langileek baldintza negargarrietan egiten dutela lan, eta ostegunerako protesta deitu du Laneko Autodefentsa Sareak, 19:00etan, EiTBren egoitzaren aurrean. Langileentzako gida... [+]
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Sorpresa ederra izan da Consonni argitaletxeak argitaratu berri duen liburua. Ez nuen ezagutzen Montserrat Roigen lana eta aurkikuntza harrigarria izan da, zinez. Batetik, Franco hil berritan argitaratu zelako estreinakoz eleberria (1976an) eta garai hartako Bartzelona... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Eskuin muturra garaile izateak kultura eta gizarte mailan ekar dezakeenaren ikuspuntua partekatu dute, adierazpen bateratu baten bitartez. Guztira 94 artista eta kultur eragilek sinatu dute idazkia momentuz.