Euskal Herri osoan Euskaraldia abiatu den honetan, euskarari bultzada eman asmoz, kanpaina baten berri eman nahi dugu ARGIAtik. Zehazki, euskara ofiziala ez den eremuetan euskara ikasten ari direnei zuzendua dago.
XXI. mendean oraindik euskara ez da ofiziala Euskal Herriko ondorengo hiru eremuetan: Ipar Euskal Herrian, Nafarroaren erdian eta Trebiñuko konderrian. Horrek ondorio zuzenak ditu herritarrengan. Gaztelania edo frantsesaren aurrean euskaraz aritzeko eguneroko zailtasunei, eremu hauetan gehitu egiten zaie aitortza instituzional faltak dakarren guztia.
Euskara ikastea erabakitzen dutenek euskaldunon erabateko bultzada merezi dute. Premiazkoa da euskara ikastea doakoa izatea, baina oraingoz ez da, eta euskara ikasleek, inork baino hobeto dakite horrek zenbat jende urruntzen duen euskara ikasten hasteko pausotik. Oso garrantzitsua iruditzen zaigu gai honekin herri-presioa egitea erakundeei, bakoitzak bere lekutik behingoz alda dezaten hori. Hemen gure aletxoa, txikitik eragin asmoz.
Euskara ofiziala ez den eremuetan euskara ikasleei zuzenduta: Gustatuko al litzaizuke gure aldizkaria etxean doan jasotzea? Irakurriko duzula edo zure euskalduntzea lagunduko dizula uste duzu? Erantzuna baiezkoa bada, dohainik edo kitorik bidaliko dizugu gutxienez urtebetean. Nahi baduzu astero, hamabostero edo hilero, zuk nahi duzun bezala bidaliko dizugu.
Bizi ditugun garai azeleratu hauetan, etxean lasai irakurtzeko aldizkaria jasotzea proposatu nahi dizugu. Garrantzitsu iruditzen zaizkigun gertaerez informatzeko eta euskaraz bizitzen laguntzeko tresna izan nahi dugu, euskara praktikatzeko espazio bat. Horregatik, ekarpen materiala egin nahi dugu euskara fisikoki sartuz zuen etxean, horregatik proposatzen dizugu paperezko astekaria jasotzea.
Bestela, e-postan jasotzeko egunkari digitala eta beste eskaintza batzuk ere baditugu.
Euskara impasse egoeran dagoela ikusten dugu kezkaz eta gure partetik jarri nahi dugu, aurrera egiten jarrai dezagun herri gisa. Kanpaina zehatz honekin, euskara ofizial ez den eremuetan euskara ikasten ari zareten lagunek ARGIAren bultzada sentitzea nahi dugu, guk egunerokoan ekarpen ekonomikoa egiten diguten Euskal Herriko milaka euskaltzalerena sentitzen dugun bezala.
ARGIAn urtea irabaziekin amaitzen dugunean, ez da multinazional, banku edo bestelako jauntxorik etortzen dibidenduak kobratzera. Guk emaitza proiektuan inbertitzen dugu, indartzen jarraitzeko, eta nahiz eta merkatu legeen aurka joan halako erabakiak hartzen ditugu. Aurretik ere egin izan dugu beste kolektibo batzuekin –langabezian geratutako harpidedunak, presoak, ostalariak...–. Horregatik diogu, elkartasuna ardatz, komunitateak elkar eusten duela hemen, eta oraingoan, ehunka lagunen euskara ikaste prozesua lagundu badezakegu, gu oso pozik sentituko garela.
Horregatik, ikasle bazara eta aldizkaria estimatzen baduzu, animatu gure eskaintza onartzera. Gauza bakarra egin behar duzu: azaroaren 30a baino lehen idatzi email bat komunitatea@argia.eus helbidera, aurkeztu zure burua –adierazi nor zaren, non ari zaren euskara ikasten, zenbat urte daramatzazun, zein den zure harremana euskararekin, uste duzun gure aldizkaria irakurriko duzula, eta abar– batez ere guk zu ezaguzteko.
Halako ekimenak begi onez ikusten badituzu eta ARGIAn egiten dugun lana gustuko baduzu, bihotzez proposatu nahi dizugu ARGIAkoa egitea. Zuk nahi duzun ekarpena egin dezakezu, eta ikusten duzunez, ekarpen guztiei esker geroz eta jende gehiagorengana heltzen gara. Sartu hemen.
Honenbestez agurtzen gara. Jaso agurrik beroenak ARGIA egiten dugun guztion partez, eta egunotan, urte osoan bezala, eutsi euskarari.
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.
Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]
Euskara, eremu digitala den itsasoan ezagutzara eta harremanetara abiatzeko portua da. Adimen artifizialarekin, portu horretatik mundu osoarekin euskaraz harremanetan jartzeko aukera ematen dela dirudi. Euskararen automatizazioa laguntza ederra da belaunaldi berriekin euskal... [+]
Mugaz gaindiko uda ikastaroak abiatu dira astelehen honetan ostiralera arte irauteko Baionan eta Hizkuntza Politika berrirako urratsak Ipar Euskal Herrian aztertuko da.
Argantzonera (Araba) iritsiko da asteazkenean Euskarabentura espedizioa, Gesaltz-Añanatik pasa ostean aurreko egunean. Hamar egun dira espedizioa hasi zela Atharratzen (Zuberoa). 15-17 urte bitarteko 125 Jzioquitar (Euskarabenturako parte-hartzaileek jasotzen duten izena... [+]
Asko dira teknologia euskaratik lantzen ari diren ikerlariak; horien artean, Naiara Perez EHUko HiTZ Hizkuntza Teknologiako Zentroko ikerlaria, Itziar Cortes Elhuyarreko ikerlaria eta Eli Pombo Iametzako kudeatzailea. Euskarak adimen artifizialean daukan lekuaz, aukerez,... [+]
Alex Gabilondo software librearen zaletuaren gida batetik probatu dugu, eta ibili dabil: PDF eta ePubak euskaraz entzun mugikorrean (edo Android gailuetan zehatzago) audioliburuen gisa. Software libreko doako tresnekin, gainera.
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Nire lagun M. paraje paregabean bizi da. Nafarroako herri batean, Iruñerriatik gertu, jende bizizale anitzez betetakoan; bizi-bizia. Ez da herrian bertan bizi, talaiaren antza har dakiokeen muino moduko batean baizik, zeinetik, esan gabe doa, herria bera ez ezik... [+]
Joan Mari Torrealdai Beka kultur ikerketak eta egitasmoak sustatzeko sortu zen, bereziki Joan Mari Torrealdaik jorratu izan dituen esparru nagusietan. 2024ko bigarren edizio honetan, Jakin Fundazioak eta Usurbilgo Udalak deialdia berretsi dute eta euskal kulturaren azterketari... [+]
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.