Beti daramat kamera bat gainean, zorrorik gabe poltsan galduta edozein aitzakiapean ateratzeko. Dena argazkitzen pasa dut azkenengo urtea, nire leitmotiv akademiko-politikoa denbora librerik ez den heinean, frenesi basatian zerbait hilezkortu edo. Pilatze ariketa bat izan da, denak ihes egiten digun garaiotan, argazkitu ez ahazteko. Horrela, gogoratuko dut agian zer den aldatu dena. Afizio bat dirudi SD txartela bat kutxa moduan erabiltzea eta honekin dator nire lagunen esaldi ohikoena: “Argazkiak pasa dituzu?”.
Sailkapen bat egin beharko banu, hau da argazkitzen dudana: lagunak (orokorrean ni kamera atzean eta talde handi ezezagunak gauean), autobus bidaia leihotik eta paseoa hanketatik, deskonposizio prozesuan dauden kale bazterrak eta, bereziki, argazkitu ez ditudan irudi guztiak; uda honetan izan da azken adibide hau gehiengoa. Geroz eta gehiago pilatzen zaizkit atera ez ditudanak, eta etxera daramazkit argazki frustratu guztiak. Irudi hauen faltan betetzen dut nire begirada laburrak erakutsi ezin didana. Argazki album huts honen izenburua: Lehen abolitutakoa berrezartzearen aldekoak direnak.
"Krisi garaiari aurrez aurre begiratu diezaiogun, dagoenari idaztea dagokigu"
Esan ohi da dena aldatu dezakeela udara batek. Eta horrela, ulertu dut udaran ez duela atsedenik hartzen gure aldiak, eta oporretan nagoela, indarrak hartzen dituela irailerako normaltasun are eta erreakzionario honek. Berandu esnatu, bazkaldu, berandu ohera, baina xehe irudikatzen dut, berandu baino lehen, argazkitu gabeko guztia:
Geroz eta polizia gehiago dago lanean, kafean, etxean, kaleko kameretatik agurtzen ditut guztiak.
Pistola faltsu batez magrebtarrak tirokatu nahi Alderdi Ederren, hondoko pareta batean “moroak kanpora”, inseguritate demokratikoa.
Seguru antiokupak sarean, desalojoak kalean eta faxistak tartean.
Palestinarrak bortxatzea eztabaidagai olinpiko, Israelen dominak telebistan, giza soberakinak Sena Ibaitik kanporatuak.
Soldata bat alokairuak, nire fidantza etxejabeak, VT bat periferian.
Podcastetan gazte langileon bozeramaileak dira enpresari librepentsalariak.
TicketBai txosnarik ez, UPNk txosnarik ez, MSk txosnarik ez.
Inpunitate osoz jarduten du ofentsiba batek, zentzu komun eraldatu honek jendartean sustengatzen duena. Krisi garaiari aurrez aurre begiratu diezaiogun, dagoenari idaztea dagokigu. Argazkitzean esan gabe doanaren gaineko kontrola irabaz badezaket, gorrotoa kalean eta nire kamera haien aurrean.
[Karaktere batzuk falta dira gutxieneko karaktere delakora iristeko, gehitu zuen argazkitu gabekoen zerrendara adibide bat]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
DBH4 errepikatu zuen urtea gogoratzen du Jonek Pleibak (Susa, 2024) eleberrian. Adinkideak Durangoko institutura aldatu ziren, eta Polly auzokidearen ikasgelan geratu zen bera. Haurtzaroa Joneren baserria eta Pollyren txaleta lotzen zituen errepidean gora eta behera emana zuten... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Hamahiru urte beteko dira asteartean, hilaren 14an, Jose Luis Alvarez Enparantza Txillardegi hil zela, eta hura gogoan, ekitaldi jendetsua egin dute Antiguako Gaskonia plazan. Urteroko legez, Txillardegiren senideak, lagunak eta euskaltzaleak elkartu dira bertan, Eta non du... [+]
Negua beti gertatu izan zait malenkoniatsu. Leihotik begira eta oroitzeko garaia, besterik ez. Udazkenaren eta udaberriaren tarteko burokrazia saihestezina, paramentu bertikal batean zuriz margotzea ostera gainean nahi dena islatzeko. Ez da nire kontua bakarrik, elurra bustia... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
ilbeltza-(1).jpg)
Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
Joan Tartas (Sohüta, 1610 - heriotza data ezezaguna) ez da gure letren historiako idazle famatuenetarik eta, hala ere, ediren dugu gauza onik “pieza mendre” honetan, zeinaren titulua, onar dezagun hasieratik, ez den segur aski mundu honetan paraturiko izenburuen... [+]
Iratzarri ginelarik, kulturalki eta administratiboki, paisaiak hiru abiadurako deserri bat erakusten zuen.
Kulturari dagokionez, hori baieztatzeko –berriro– aukera eduki nuen joan den azaroaren 14an, Ortzaizeko Menta liburu-denda goxoan. Hara bildu ginen... [+]
Donostiako Okendo kaleko liburu-denda mitikoaren lokala salgai jarri dute eta erreleboa hartuko duen talde bat prest agertu ezean, ateak itxiko ditu. Liburu-dendako arduradunek ARGIAri azaldu diotenez ez da erraza izan erabakia hartzea, baina jabeetako batzuek erretiroa hartzeak... [+]
Begi bistaz zentzugabea dirudien eztabaida batekin hasten da zutabea: 2024 gure literatur ale horietako bat balitz, nola deituko zeniokete?
Erantzunik topa ezean, ordu erdi ematea aurtengo bizipenei begira; Instagrameko artxibatuetan sartu lehenik, eta Twiterrera pasa horiek... [+]
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]