Aretoa bete jokatu zen Araian txapelketako lehen final laurdena
Araiako pleno aretoan 80 lagun bildu ziren txapelketako lehen saio honetan.
Heldu da Arabako Bertsolari Txapelketa. Arabako bertsolaritzaren bidea irudikatzen duen irudia fondoan, mikroak eta bertsozaleak prest, 18 bertsolariekin jokatuko den txapelketako lehen fasea hasi da, final laurdenak. Lehen saioa Araian jokatu zen aurreko larunbatean.
Jokoan aritutako sei bertsolariak, hurrengoak: Manex Agirre Arriolabengoa (Aramaio), Paula Amilburu Izargarai (Aramaio), Felipe Zelaieta Txurruka (Gasteiz), Rikardo Gonzalez de Durana Alzola (Oreitia), Iñaki Viñaspre Simon (Abetxuku) eta Jon Ruiz de Pinedo Lekuona (Zalduondo).
Lehenengo itzuli honetan 13 bertso puntuagarri kantatu zituzten bertsolariek. Ariketa guztiak egin ondoren, Iñaki Viñasprek lortu zuen puntu gehien, 258 puntu. Hiru final laurdenetako puntuazioaren hurrenkeran osatuko dira finalerdiak. Puntuazioak ondorengoak izan ziren:
Iñaki Viñaspre: 258 puntu
Manex Agirre: 251,5 puntu
Paula Amilburu: 228 puntu
Rikardo Gonzalez de Durana: 222,5 puntu
Felipe Zelaieta: 205,5 puntu
Jon Ruiz de Pinedo: 201 puntu
Hamabi lagunez osatutako gai-jartzaile taldetik Marta Ugarte izan zen Araiako aurkezlea. Lehenengo itzuliaren 3 final laurdenetako epaimahaia, horrela osatuta dago: Ekaitz Elorriaga, Iker Elexpuru eta Fernando Sopelana. Idazkari lanetan Manex Garaio.
Datorren larunbatean, Zigoitian, bigarren final laurdena jokatuko da.
Albiste hau Hala Bedik argitaratu du eta Creative Commons lizentziari esker ekarri dugu.
Urtarrilaren 28an hasi eta martxoaren 16ra bitartean burutuko da 2024ko Arabako Bertsolari Txapelketa. Martxoaren 16an borobilduko da finalarekin Gasteizko Printzipal Antzokian.
Maiatzaren azken asteburuan jokatu dira finalerdietako bi saioak eta Oihane Perea eta Manex Agirre zuzenean sailkatu dira, bakoitza bere saioan nagusitu baita. Gainerako lau bertsolari hauek, puntuen arabera sailkatu dira finalerako eta denak dira Izarrako finalerdian kantatu... [+]
Apirilaren hasieran 30 bertsolarik ekin zioten Arabako Bertsolari Txapelketari eta bide hori dagoeneko finalaurrekoetan sartu da. Hamabi bertsolari hauek lortu dute finalaurrekoetara sailkatzea: Manex Agirre, Asier Otamendi, Unai Anda, Iñaki Viñaspre, Andere... [+]
Arabako Bertsolari Txapelketa 30 bertsolarik hasi dute. XV. edizioa aurtengoa eta iragan asteburuan abiatu da lehen fasea, final zortzirenak. Iñaki Viñaspre, Manex Agirre eta Andere Arriolabengoa gailendu da, nor bere saioan. Hurrengo asteburuan bukatuko da lehen... [+]
XV. Txapelketa izango da aurtengoa, eta 30 bertsolarik hartuko dute parte. Ekainaren 11n jokatuko da finala, Gasteizen.
Iñaki Viñaspre da aurtengo txapelduna, Manex Agirrerekin buruz burukoa kantatu ondoren. Viñaspreri Lierni Altunak jantzi dio txapela. 700 lagun elkartu dira Gasteizko Printzipal Antzokian.
Aramaioko Kultur Etxean 170 lagun bildu ziren txapelketako bigarren saio honetan.
Zigoitiko Kultur Etxean 80 lagun bildu ziren txapelketako bigarren saio honetan.
Otsailaren 9an Araian hasi eta martxoaren 30ean Gasteizko Printzipal Antzokian bukatuko da.
Urriko azken asteburuan jokatu dira 2019ko Txapelketako bertsolariak definitzeko azken hiru kanporaketak Bastida, Agurain eta Murgian. 18 bertsolari hauek arituko dira hurrengo urteko txapelketan: 2017ko Arabako finalistak eta amaitu berri diren kanporaketetan sailkatutako lehen... [+]