Arbonako lurren jabearen bitartekariaren bulegoa okupatzen dabiltza ELB eta Lurzaindiako kideak
Pierre Jean Harté Lasserre arkitektoaren bulegoa okupatzen dabiltza ELB eta Lurzaindiako kideak. 3,2 milioi eurotan salgai diren laborantza lurrei buruzko aferan hau da saltzailearen bitartekaria. Ekainaren 23an hasi ziren lurren okupatzen eta orduz geroztik han dabiltza ELB eta Lurzaindia. Aldarrikapenen artean dute salerosketa honen ezeztatzea. Arratsalde honetan 19:00etan okupaziora bertaratzeko deia luzaturik dute herritarrei.
Indar harremana azkartzeko xedez, Miarritzeko bulego bat okupatzen dabiltza ELB eta Lurzaindiako kideak; zehazkiago, Arbonan hamabost hektarea lur eta baserria 3,2 milioi eurotan salgai jarri dituenaren bitartekaria dute jomugan.
Lurzaindia eta Elb-k Miarritzen (35 rue Pringles) Arbonako lurren saltzailearen bitartekariaren bulegoa goiz huntatik okupatzen dute. Tokian bertan jendea behar da beraz hurbil zizte okupazioaren sustengatzerat !
Gure lurra defenditu dezagun denek elgarrekin ! pic.twitter.com/CRHbxfev8N
— ELB (@syndicatELB) July 15, 2021
Ekainaren 23az geroztik dabiltza lur hauen okupatzen, espekulazioaren kontra egiteko, lurren salerosketa ezeztatzeko eta orokorkiago, Ipar Euskal Herriarentzako laborantza lurrei buruzko politika bat abiarazteko Euskal Hirigune Elkargoaren baitan.
Presioa gora eta hitzordua gaur 19:00etan
Saltzailearen eta eroslearen partetik ez denez hitz egiteko eta aterabide bat adosteko jarrerarik, presioa azkartuz eta ekintzak gogortuz dabiltza ELB eta Lurzaindiako laborari eta kideak. Zehazkiago, ekainaren 23an okupazioa abiaturik, lurra lantzen hasi ziren uztailaren 9an, eta uztailaren 13an ehun traktore bertaratu ziren, ondotik Miarritzeko errepideak okupatuz eta blokeatuz.
Okupaziora bertaratzeko deia luzaturik dute herritar guztiei eta ondoko hitzordu nagusia ostegun honetan 19:00etan jarri dute, aldi honetan ere Arbonako lur okupatuetan. Salerosketan eragiteko aukera uztailaren 20an bukatzen denez, bizkitartean presioa areagotzen dabiltza.
Ekintzaren nondik norakoak azaldu zizkion ARGIAri Dominique Amestoy laborariak: "Arbonako okupaziora etorri behar du jendeak, borrokan segitzeko kuraia emaiten digu horrek" .
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.