Arbonako lur batzuen okupazioa abiatu dute ELB eta Lurzaindiak
Espekulazioa dela eta, hamabost hektarea lur eta horiei loturiko etxea salgai dira hiru milioi eurotan Arbonan. Prentsaurrekoan zehaztu dutenez, jabea eta eroslea ez dira laborariak.
Beste behin ere laborantzara bideraturiko lur batzuk galtzekotan gara. Aldi honetan hamabost hektarea lur dira salgai Arbonan, etxearekin batera orotara hiru milioi eurotan. Espekulazioa salatzeko, lurren okupazioa abiatu dute ELB eta Lurzaindia egiturek ekainaren 23 goiz honetan. Aterabide bat atzeman arte segituko dute lurren okupazioa.
Horra zer eskatzen duten ELB sindikatuak eta laborantza lurren gaineko espekulazioaren kontra dabilen Lurzaindiak: batetik, erosleari eskatzen diote erosteari uko egitea, eta jabeari berriz, erosteko lehentasun partziala haiei bideratzea, laborantzako egitasmo bat segurtatzeko gisan.
Afera honetan bere postura argitzea galdetzen diote Euskal Hirigune Elkargoari ere: "Elkargoko hautetsiak elikadura eta laborantza gaietaz sensibleak direla noiznahi entzuten dela, nolaz uzten ahal dute holako lur eremu ederra espekulazioaren esku, batez ere lurren artifizializazioaren arazoa larria den eskualde honetan? Ihardokitze eza laborantza lurra eta lotuak zaizkion bizitegien babesteari uko egitea bezala da". Hitzetik ekintzetara salto egiteko bidean, idatzizko engaiamendu bat ere galdetzen diote instituzioari, zeinetan "Ipar Euskal Herriko 158 herrientzat laborantza lurrei buruzko politika baten abiatzeko konpromisoa" agertzen den.
Prentsaurrekoa burutu berri dute okupazioaren berri emateko. Lurrak laborantzara bideratzea exijitzen dute, eta nola ez prezio eskuragarri batean, lurra landuz bizi nahi duenak hauen erabiltzeko ahala ukateko gisan. Elikadura burujabetza helburu, laborari bat ala batzuk nahi dituzte lur hauetan.
SAFER egituraren arabera, 2015 eta 2018 urteen artean Ipar Euskal Herrian 2.450 hektarea laborantza lur baino gehiago galdu ditugu.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.
Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.
Atxik Luhuso kolektiboa sortu dute herrian etxebizitzak eraikitzeko proiektu berriari erantzuteko.
Uztaritzeko etxe bat 480.000 euroan salgai jarri dute, eta herritar talde batek ekintza hori salatu du uztailaren 16an. Ipar Euskal Herrian ikusten den espekulazioaren aurkako mobilizazioa egin da igandean.