Arartekoak eta Sindikoak Olarizuko etxe okupatuetan ura berrezartzeko eskatu diote Gasteizko Udalari
Koronabirusari aurre egiteko beharrezko higiene neurria dela nabarmendu dute Gasteizko eta EAEko Herritarren Defendatzaileek. Udalak erantzuna ezezkoa izan da. Dozenaka pertsona bizi da Olarizun, adin gabeak tartean.
2019ko apirilean Gorka Urtaran alkateak zuzendutako udalak argia eta ura moztu zizkien Gasteizko Olarizu etorbideko etxe abandonatuetako bizilagunei. Negua pasa dute baldintza horietan, eta osasun krisiak eta konfinamenduak ez dute udalaren jarrera aldarazi.
Manu Lezertuak zuzentzen duen Arartekoak ebazpena kaleratu du maiatzaren 7an, konfinamenduak iraun bitartean Olarizu etorbideko etxeetan ura berrezar dezala gomendatu dio udalari. Besteak beste, ura oinarrizko beharra dela azpimarratu du Arartekoak, nazioarteko hitzarmenak aipatuz. Osasun krisialdian gainera, koronabirusari aurre egin ahal izateko ura ezinbesteko higiene baliabidea da, Arartekoaren esanetan.
Astelehenean Arartekoaren ebazpenagatik galdetu diote Radio Vitoria irratian Gasteizko Sindiko Leire Zugazuari. Udalari eskaera berbera egina diola erantzun du Gasteizko Herritarren Defendatzaileak. Gogoratu du Olarizun bizi diren pertsonak bazterketa egoera larrian daudela, Olarizuko etxebizitzak ez dituztela betetzen gutxieneko bizigarritasun baldintzak, eta egoerak hainbat adingaberi ere eragiten diola.
Udala: "Joan gizarte zerbitzuetara"
Udalak ezezko erantzuna eman die Arartekoari eta Sindikoari. Arartekoari adierazi dio ez duela ura berrezarriko Olarizuko etxeak ez direlako seguruak, baina Arartekoaren ustez argudioa ez da balekoa: “Oraingo egoeran ez da koherentea eraikin horretan segurtasun arrazoiak alegatzea ur hornidura ukatzeko, izan ere, une honetan hornidura hori funtsezkoa da koronabirusaren hedapenari aurre egiteko”.
Olarizuko bizilagunek egin behar dutena etxeak utzi eta Gasteizko gizarte larrialdietarako zerbitzu sozialetara joatea dela errepikatu dute hainbatetan alkateak eta udaleko beste ordezkari batzuek.
Gizarte zerbitzuek: "Ez dago baliabiderik"
Baina San Antonio kaleko bulegoetan baliabideak beteta daudela erantzuten diete herritarrei. "Badira [gizarte larrialdietarako zerbitzu sozialetara] joan diren Olarizuko familiak, baina bertan bizitzen jarraitzen dute, beraz ezin izan zaie alternatiba bat eskaini”, adierazi du Zugazua Sindikoak, udalaren jarreraz galdetuta.
ARGIAk Olarizun bizi den familia baten berri eman zuen maiatzaren 10ean. Hiru adingabeko familia kale gorrian geratu zen konfinamendu betean, bizi ziren gela bakarretik kanporatuak izan ostean. Gizarte zerbitzuetara jo zuen familiak aterpe baten eske, lortu ezean Olarizun okupatuko zutela jakinaraziz. Baliabideak beteta zeudela eta egoera “muturrekoa” izan arte ezin zuela ezer egin erantzun zien gizarte-langileak. Irtenbide bezala, Valentziara bidaia ordaintzea eskaini zion familiari, alarma egoeragatik bidai hori debekatuta zegoen garaian.
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]
Kolorea eta argia ez ditu bereizten, ez du itsu ez garenok bezala ikusten, bestela baizik. Ez gaitu ikusten, ez dugu bera ikusten. Itsu gara bata bestearentzat. Hizketan hasi orduko ikusi dugu elkar, haren euskara segiduari gozo segitu diogu, hikarik naturalenean. Berak ekarri... [+]
Gizarte-bazterkeria arriskuan dauden 10 eta 14 urte arteko haur migratzaileak eta haien mentore izan nahi duten ikasle helduagoak (goi mailako ikasketak egiten ari direnak) elkartzen ditu Urretxindorra proiektuak. Proiektuaren bederatzigarren edizioa abiatu berri da eta 37... [+]
Sokatirarako jantzi ofizialei buruzko arauek diote emakumeek gona jantzi behar dutela, eta gizonek prakak. Emakumeak hori amaitzeko eskaera egina zuen, baina aurten ez diote utzi galtzekin lehiatzen. Eztabaida "luze" joango dela erantzun diote.
2013an, Magdalena Piñeyrok Stop Gordofobia (Stop Lodifobia) ataria sortu zuen beste kide batekin batera: garai hartan, jende gutxik zekien zapalkuntza horri buruzko ezer. Plataformak lan handia egin zuen terminoa Espainiako Estatuan zabaltzeko, eta, hamar urte geroago,... [+]
1977ko azaroaren 9an, María Isabel Velasco Gutierrezen gorpua aurkitu zuten Basauriko presondegiko ziega batean, kiskalita. 23 urte zituen. Istripua, arduragabekeria edo hilketa izan ote zen argitzeko dago oraindik. Velascoren kideek
–Bilboko Gorte kaleko... [+]
Enpresa, erakunde eta eragileen arteko Truke esperientziak antolatu ditu Beterri Saretuz ekonomia eraldatzailearen ekimenak, eta Jennifer Alonsok maiatzaren 11n Hernanin egingo duten hirugarren saioan parte hartuko du, inklusioaz hitz egiteko. Sutargi enpresan, bazterkeria... [+]
Hamar egun daramatza familiak argindarrik gabe, estatu mailan indarrean dagoen moratoria urratuz, Auzoan Bizi etxebizitza sareak salatu duenez. Berakahren antzeko jarrerak “ohikoak” direla ziurtatu dute.
Shaky, Violeta, Arsalan eta Zhara ziren. Bikotea eta 3 eta 4 hilabeteko haien seme-alabek osatutako familia. Beste lau pertsonekin batera bizi ziren Bartzelonako Tetuan plazan okupatutako etxabe batean. Banku baten egoitza izan zen espazioa, hark itxi eta deslai utzi zuen arte... [+]
Ikasleen erdiak arrunki jasotzen ditu eskolaz kanpoko klase partikularrak, eta hirutik bi noizbait joan da partikularretara. Ikasle Abertzaleek egindako galdetegien emaitza da, baina klase hauek “ez dira ikasteko borondaterik ez duten ikasle alferren errefortzurako... [+]
Africa United elkarteak prentsaurrekoa eman du Espainiako Poliziak atxilotu zuen toki berean. Estatuak gertatua “isilarazi” nahi duela eta Ndiayeren familiak ez duela inolako kalte ordainik jaso salatu dute.