Arkamu, Iturrieta, Labraza eta Azazetakoez gain, Aixeindar sozietateak beste parke eoliko bat proiektatu du Arabako mendietan, oraingoan Aramaion. Arlabanen haize neurketak egiteko 81 metroko dorre bat jartzeko lizentzia eskatu du.
Energiaren Euskal Erakundeak (EEE) eta Iberdrolak osatutako Aixeindar sozietateak jarduera lizentzia bat eskatu dio Aramaioko Udalari, Arlaban mendatean haize neurketak egiteko eta, horretarako, Arlaban-3 izeneko estazio meteorologikoa instalatzeko lurzoru urbanizaezinean. Horren helburua bertan parke eoliko bat jartzeko aukera aztertzea da.
Aramaioko Udalak espedientea bidali eta proiektuaren interes publikoko deklarazioa izapidetzeko eskatu dio Diputazioko Ingurumen eta Hirigintza Sailari, eta, astelehen honetan, Arabako Lurralde Historikoaren Aldizkari Ofizialean (BOTHA) argitaratu da deklarazio horren hasierako onespena. Horrela, foru agindua argitaratu den unetik aurrera, hogei eguneko fase publikoa ireki da, eta epe horretan alegazioak aurkeztu ahal izango dira.
81 metroko dorrea
Bertan azaltzen denez, azpiegitura 81 metroko altuera duen dorre bat da, ez du zimendatzerik behar, lurzoruari ainguratutako kableen bidez lotuko da, eta ez dago aurreikusita instalazioaren perimetroa ixtea.
Halaber, haizea neurtzeko Arlaban-3 izeneko dorrea instalatzeko lursailaren erabilera bi urterako lagatzeko akordioa ere jasotzen da.
Parke eolikoen aldeko apustua
Joan den asteburuan, Subilla Gasteizko Armentia-2 putzuan gasa ustiatzeari uko egin diola iragarri zuen Eusko Jaurlaritzak. Larunbatean plazaratutako komunikatuan, Ekonomiaren Garapen, Jasangarritasun eta Ingurumen Sailak azpimarratu zuen energia berriztagarriko instalazioen exekuzioa "premiaz bizkortu" behar dela.
Zentzu horretan, parke eoliko berriak instalatzeko proiektuak nabarmendu zituen, eta, aurreikusi daitekeenez, Eusko Jaurlaritzak horien aldeko apustua sendotzeari ekingo dio laster. Gaur egun, bi parke eoliko daude martxan Araban: Elgea-Urkilla mendizerran eta Badaia mendilerroan.
Oraingoz, beste lau parke eoliko aurreikusi ditu Aixeindarrek gure lurraldean: Arkamun, Iturrietako Mendietan, Labrazan eta Azazetan; lehenengo hirurak dagoeneko izapidetzen hasi dira, eta Arabako Mendiak Aske plataformak 3.000 alegazio baino gehiago bildu ditu. Gainera, proiektuen eraginpean dauden kontzeju ugari kontra jarri dira, aho batez.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Hamahiru sukaldari edo ekoizle saritu ditu “euskal gastronomia tradizionala” sustatzen duen Gipuzkoako elkarteak, VI. edizio honetan. Sariekin nabarmendu nahi izan dute bertako ekoizleekin elkarlanean egindako gastronomia jasangarria.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]