Geroa Baiko Arakamak dio euskararen dekretuak ez duela apurketarik ekarriko Nafarroako Gobernura
Funtzio publikoan euskararen erabilera arautzen duen etorkizuneko foru dekretuak ika-mika iturri izaten jarraitzen du Nafarroako Gobernuan. Geroa Baik salatu du dekretu berriarekin gobernua osatzeko akordioa ez dela betetzen.
María Chivite lehendakariak astearte honetan Azkoienen jakinarazi duenez, gobernuko alderdien artean badira adostasun handiagoak dekretuaren inguruan desadostasunak baino, eta eskatu die gainerako alderdiei ez jartzeko begia euskara eta funtzio publikoan bakarrik, gobernua beste alor askotan euskara sustatzen ari delako.
Gaur egun Geroa Bai, Ahal Dugu eta Izquierda-Ezkerra ez datoz bat dekretu berriarekin, eta PSNk dio gobernu akordioa errespetatzen duela, hau sinatu zenean, PSNk garbi utzi zuelako aterako zuen dekretu berriak bat egin behar zuela ebazpen judizialekin.
Dekretu berrian euskarak ez du baliorik izango funtzio publikorako probetan, baina ingelesak, frantsesak edo alemanak izan dezakete baliorik.PSNk urteetan UPNrekin batera eutsi dion jarrera politikoari eusten dio, esanez “eremu ez euskaldunean” euskarak ez duela nahiko presentziarik funtzio publikorako probetan balio izateko gisan. Erabilera soziolinguistikoari begira, ostera, argi dago alemanak edo frantsesak baino askoz gehiago duela, eta haiei aldiz, bai ematen zaie puntuazioa.
Diario de Noticias-en irakurri dugunez, eremu mistoan euskarak bakarrik izango luke balioa herritarrekiko harreta plazetan eta osasun alorrekoetan. Eremu euskaldunean eskaintza publiko guztietan, lekualdatze lehiaketetan edo gorako promozioetan.
Jabi Arakama Geroa Baiko parlamentariak gaiaz hitz egin du Euskalerria Irratian eta adierazi du ez daudela batere gustura dekretu berriarekin, baina aurrera egin behar dela, bestela euskararen aldeko arauak ez daudelako indarrean eremu euskaldunean eta mistoan. Eta Chivitek esandakoaren aurka, gobernuan gaiak harremana asko tenkatu duela azaldu du. Hala ere, zehaztu du tentsioa ez dela inolaz ere gobernu apurketa eragiteko modukoa, koalizio gobernu batean aldeek ezinbestean amore eman behar dutelako hainbat gaietan eta honetan, tentsioak tentsio, aurrera egitea lortu dela, batez ere eremu mistoan.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.