Baieztatuta: Arafat pozoituta hil zuten
Yasser Arafat buruzagi palestinarra polonioz pozoituta hil zen haren gorpua aztertu duen forentse talde batek jakitera eman duenez.
Suitzako Lege Medikuntza Zentro Unibertsitarioko zientzialariek aste honetan eman dizkiete azterketaren emaitzak Palestinako Aginte Nazionalari eta Suha Arafat buruzagi palestinarraren alargunari. Polonio arrasto altuak antzeman dituztela diote frogek. Bularraldean eta pelbisaren inguruan aurkitu dituzte polonio mailarik altuenak, normala baino 18 aldiz handiagoak.
Ikerlariek %83ko segurtasunez baieztatu dute Arafat gai erradioaktibo horrekin kutsatuta zegoelako hil zela eta horrenbestez, Al Fatah-ko buruzagia hil egin zutela dioten hipotesiak indartu egin dira.
Hiru ikerlari talde ari dira Arafaten ustezko pozoiketa aztertzen eta Suitzako taldea izan da emaitzak argitaratzen aurrenekoa. Talde horrek Suha Arafaten eskatuta hasi zuen ikerketa. Beste talde bat Frantzian ari da ikerketa egiten eta hirugarren bat Errusian. Frantziakoak ikerketa bere kabuz abiatu du eta Errusiakoak berriz, Palestinako Aginte Nazionalaren eskariz.
Informazio gehiago: Yasser Arafati buruz ARGIAn publikatutako berriak eta multimedia edukiak hari buruzko kanalean.
Zisjordanian eta Gazan nolabaiteko gobernu autonomoaren funtzioak betetzeko asmoz jaio zen Palestinar Aginte Nazionala. Horrela jasota dago Osloko akordioetan, baina errealitatea guztiz bestelakoa da.
Azken bi hamarkadetan, nazioarteko bitartekaritza medio, bake negoziaketa ugari abiatu dituzte Palestinako Aginte Nazionalaren eta Israelgo Gobernuaren artean. Gaur arteko emaitza bakarra izan da: Israelen okupazioa betikotzea
Iasser Arafaten argazkia, bere zapiarekin, Palestina askatzeko borrokaren irudia izan zen urtetan. 1974an Nazio Batuen Asanblada Nagusian egin zuen hitzaldiak aldarrikapen hau munduko txoko guztietara eraman zuen. Esku batean pistola zuen, bestean olibondo adaxka bat.
Yasser Arafat pozoituta hil zutela pentsatzeko arrazoiak hazi egin dira The Lancet aldizkari medikoak argitaratutako artikulu baten ondorioz.
2004an hil zen urtetan Palestinako buruzagia izandako Yasser Arafat. Zortzi urte geroago, heriotzaren arrazoia zalantzan jarri dute pozoitu ote zuten zurrumurrua zabaldu denetik. Frantziar eta suitzar adituak gaur hasi dira gorpua aztertzen, komunikabideen presentziarik gabe... [+]
Martxan da Jassir Arafat buruzagi palestinarraren autopsia egiteko prozesua. Atzo Suitzako forentse talde bat izan zen Palestinako liderraren mausoleoan errekonozimendu bisita egiten. Rafiq Tirawik, Arafaten heriotza ikertzeko batzordeko kideak esan duenez, autopsia egiteko... [+]
Frantziako Justiziak Jassir Arafaten heriotza ikertuko du bere alargunak pasa den uztailean salaketa aurkeztu ondoren.Al Jazeerak argitaratuko ikerketa baten arabera buruzagi palestinarra pozoituta hil zela pentsatzeko frogak daude. Nanterreko Epaitegiko Fiskaltzak hasiko du... [+]
Joan den astean Al Jazeera telebista kateak argitaratu zuenez, Jassir Arafat buruzagi palestinarra pozoituta hil zela pentsatzeko frogak daude. Hasieratik hori pentsatzeko motiboak zeudela dio Uri Avnery idazle eta bake-ekintzaile israeldarrak Counterpunch webgunean idatzitako... [+]
Al Jazeerak Jassir Arafat buruzagi palestinarraren heriotzari buruz egin duen bederatzi hilabeteko ikerketaren emaitzak eman zituen argitara atzo. Arafaten arropetan eta objektuetan ohikoa baino polonio kopuru altuagoak topatu dituzte eta hortik ondoriozta daiteke material... [+]
Pello Zubiria zubiria@argia.eus Martirioa da sinestunek zanpaketari, politikari mertzenarioei eta hauen praktika blasfemoei ematen dieten erantzuna. Sineskabeen aurrean makurtzeko partez, martiriak fedea eraso guztien kontra defenditzen du, baita biziarekin ordainduko badu... [+]