Araban EAJ garaile, EH Bildu goraldian, Vox legebiltzarrera eta parte hartzea ZIUra
EAJk, EH Bilduk, PSEk eta Voxek legebiltzarkide bana irabazi dute, PPk eta Podemosek bina galdu. Bozetan gora egin duten alderdi bakarrak EH Bildu eta Vox izan dira. Bozka eskubidea duten herritarren %50,31k hartu du parte hauteskundeetan.
EAJk irabazi ditu berriz EAEko legebiltzarrerako hauteskundeak Araban. Jeltzaleek eserleku bat irabazi eta bederatzi legebiltzarkide izango dituzte hurrengo legealdian, arabarren 40.002 boz jaso ostean (%32,22). EH Bildu hirugarren indarra izatetik bigarren postura pasa da, 30.886 bozekin (%24,88). Legebiltzarkide bat irabazi du, sei eskuratuz. Hirugarren alderdi bozkatuena PSE izan da, 19.414 boz jaso ditu (%15,63) eta EAE osoan irabazi duen eserleku bakarra irabazi du Arabako lurraldean. Legebiltzarkide bat irabazi duen azken alderdia Vox da. Lehen aldiz eskuin muturra EAEko legebiltzarrean ordezkatuta egongo da Araban lortu duen eserleku bakarrarekin, 4.722 boz jasota (%3,80).
PP-Ciudadanos eta Podemosek kolpe handia jaso dute. PP 2016an bigarren alderdi bozkatuena izatetik laugarren postura pasa da, eta bost legebiltzarkide izatetik hirura, Ciudadanosekin koalizioan. Bidean 18.000 boz utzi ditu, erdia baino gehiago, 14.287 jaso ondoren (%11,50). Podemosek, bere aldetik, 14.000 boz eta bi eserleku galdu ditu Araban. 10.054 arabarrek babestu dute Pablo Iglesiasen alderdia (%8,09).
Bozetan denak galtzaile, EH Bildu eta Vox salbu
Eserlekuetatik eta portzentaietatik aparte, boz kopuruei ere erreparatzea argigarria da. 2016ko hauteskundeekin alderatuta EAJk eta PSEk legebiltzarkide bana irabazi dute, baina bozetan behera egin dute. EAJk lau puntu irabazi du boz portzentaian, baina 2.325 boz galdu ditu (42.327tik, 40.002ra). PSEk 2,64 puntu irabazi du portzentaian, eta 75 boz galdu (19.489tik, 19.414ra).
Eserlekuetan, portzentaian eta bozetan gora egin duten alderdi bakarrak EH Bildu eta Vox izan dira. Indar abertzaleak 2016an baino 3.886 boz gehiago jaso du (26.899tik, 30.886ra), eta portzentaian %17,93tik %24,88ra pasa da. Voxek izan du igoerarik handiena boz kopuruan: 2016ko 771 babesak 4.722 bihurtu dira 2020an, horietatik 3.822 Gasteizen. Ehuneko hiruaren langa gainditu du Santiago Abascal arabarrak zuzentzen duen alderdiak, 0,51tik 3,80ra igaroz.
Herritarren erdiak baino gutxiagok bozkatu du
Parte hartzearen amiltzeak azaltzen du irabazi edo galdutako eserlekuen, portzentaien eta kopuruen arteko harreman ezohikoa. Parte hartzeak %10,78an egin du behera. Bozka emateko eskubide duten arabarren %50,31 hurbildu da hautetsontzietara; bestela esanda, aukera zutenen %49,69ak ez du egin. Azken horiei batuz gero migratzaile paperdun baina bozkarako eskubide gabeak, migratzaile papergabeak, eta Trebiñuko herritarrak, luzez dira gehiengo EAEko hauteskunde nagusietan parte hartu ez duten arabar adin nagusiak.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.