Arabako Zaballa espetxean hildako azken presoaren familiak Espainiako Gobernuak esandakoa gezurtatu du
Hala Bedik argitaratu duenez, Espainiako Gobernuak komunikazio ofizial batean adierazi du Xabier González García “drogen” ondorioz hil zela. Familiak jaso zuen informazio bakarra Autopsiaren aurre-txostena da, eta bertan, heriotzaren jatorria “zehaztugabea” dela esaten da.
EH Bilduk Madrilgo Kongresuan eginiko galderari erantzunez Espainiako Gobernuak Zaballan aurten izan diren lau heriotzen inguruko informazioa eman du, Hala Bedik publikatu duenez. Besteak beste, hildako lau presoen adina eta heriotzen zergatia jasotzen ditu erantzunak, oso modu laburrean. Hildakoek 22, 24, 28 eta 30 urte zituzten; lehendabiziko biak “beren buruaz beste” eginik hil ziren eta azken biak “drogen” ondorioz, erantzun horren arabera.
Zaballan hildako azken presoa 28 urteko Xabier González García da. Apirilaren 25ean ziegan hilik aurkitu zuten. Espainiako Gobernuaren erantzunaren arabera, heriotzaren zergatia “drogak” izan ziren. Informazio horri erantzun dio Gonzálezen familiak. Salatu du familiak jasotako informazio bakarra Autopsiaren aurre-txostena dela, orri bakar batekoa. Bertan heriotzaren zergatia “jatorri zehaztugabekoa” dela adierazten da. Baita heriotzaren “kausa fundamentala” ikertzear dagoela ere. Heriotzatik egun gutxira jaso zuen familiak txosten hori, apirilaren 26ko data duena, eta geroztik Gobernuak edo Zaballako espetxeak ez dio beste informaziorik helarazi.
Familiak maiatzean salatu zuen espetxeak Gonzálezen gorpua errausteko agindua eman zuela lehen autopsiaren emaitza guztiak izan aurretik. Salhaketa Arabak hainbat aldiz salatu du espetxeen ohiko prozedura hori, heriotzen zergatiak argitzea zailtzen duena.
Gobernuak orain emandako erantzunaren harira, Salhaketa-Arabak adierazi du “larria” litzatekeela autopsia edo analisi toxikologiko berririk egin gabe Gonzálezen heriotza drogei leporatzea. Eta larritasun bera lukeela informazio berria egotekotan, hori familiari ez jakinarazteak.
Heriotzekin amaitzeko neurriak
2019an Zaballan hilik agertu zen laugarren presoa izan zen García. Maiatzaren 8an prentsaurrekoa eman zuten Salhaketa-Arabak eta familiak elkarrekin. Gonzálezen heriotza salatzeaz gain, hainbat elkartek adostutako dokumentua aurkeztu zuten prentsaurrekoan.
Ordurako 79 ziren Espainiako Estatuan 2019an hildako presoak, heriotza bat bi egunetik behin. “Tragedia saihesgarri eta isildua” ekiditeko helburua duten bederatzi neurri zehatz proposatzen ditu dokumentuak, honakoak besteak beste: fiskaltzak Estatuaren zaintzapeko heriotza guztiak ofizioz iker ditzala; espetxeetako zuzendaritzek informazio inpartziala eman diezaiotela senideei eta ez dezatela gorpuak erraustea lehenetsi autopsia berrien aukera saihesteko; zigorrak betetzeko espetxeaz besteko alternatibak garatu ditzatela; larriki gaixo dauden presoak espetxetik atera ditzatela; preso kopurua gutxitu dezatela eta zigorrak bizitokitik ahalik eta hurbilen betetzea berma dezatela.
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den seigarren presoa... [+]
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.
Maiatzean ekin zioten gose grebari 17 preso politikok. Haien eskubide kultural eta territorialak errespetatzea, lege antiterrorista bertan behera uztea, Lanaren Nazioarteko Erakundearen 169 hitzarmena onartzea eta preso politiko maputxeen askatasuna exijitu dituzte.
Pasa den larunbatean (hilak 22) hasi ziren presoen arteko borrokak Ekuadorko Guayaquil hiriko Litoral espetxean. Iturri ofizialek jakinarazi dute 31 preso hil direla, eta hamahiru zauritu –baita polizia bat ere–. Poliziak eta Armadak "kontrola" berreskuratu... [+]
Presoen arteko liskar batek eragin ditu hilketak, polizia iturrien arabera. Azken urteetan Honduraseko espetxe batean gertatu den ezbehar handienetarikoa da.
Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]
Iragan urteko Frantziako Estatuko presondegien bilanak egoera gordina utzi du agerian. Dominique Simonnot txostenaren arduradunak azpimarratu du kartzelak jendez gainezka direla, beren edukieraren %200eraino batzuetan. Gain populakuntza horri lotzen dizkiete baldintza oker... [+]
Garikoitz Etxeberria Goikoetxea preso lizartzarrak gose greba hasi zuen Zaballako espetxean apirilaren 19an, zelda partekatzera behatu eta uko egin zionean zigor bezala isolamenduan jarri zutela salatzeko. Orain, beste zazpi preso batu dira gose grebara elkartasunez.