Arabako parke eolikoen proiektuaren aurkako bigarren mendi martxa antolatu dute
Arabako Mendiak Aske plataformak sei mendi martxa egingo ditu urrira arte, zentral eolikoen eraikuntzaren aurka egiteko. Bigarrena, uztailaren 24an egingo dute Arkamu mendilerroko Axkoeta eta Jokano mendietatik.
Zentral eolikoen proiektuak Arabako hainbat mendiri eragingo die. Arabako Mendiak Aske plataformak gune horietan sei martxa antolatu ditu urrira arte, eraikuntza planak gelditzea eskatzeko. Bigarren martxa Axkoetatik (Erriberagotia) eta Jokanotik (Kuartango) egingo da, Arkamu mendilerroko Montemayor gailurrera.
“Mehatxatutako natura ondarea ezagutarazteko” asmoaz gain, “enpresa eta agintariek natura guneak babesten dituzten figurak errespetatzen ez dituztela” erakutsi nahi du elkarteak. Arkamu Kontserbazio Bereziko Eremua (KBE) da, eta haize-sorgailuak ezartzea debekatuta dagoen arren, hirugarren aldiz eskatu dute bertan zentral eoliko bat eraikitzeko.
"Gure agintarien kasuan, badirudi enpresa pribatuen interesak lehenesten dituztela komunitatearen interesen aurretik”, azaldu dute Arabako Mendiak elkartetik. Gainera, salatu dute enpresek presioa egingo dutela, “erantzuna baiezkoa izan arte” eskaria behar beste aldiz errepikatuz. Eremuen natura balioa ez dute kontuan hartuko.
Izan ere, Arkamu mendia Natura 2000 Sareko naturgune babestua da, eta balio zientifiko edota naturaltzat kalifikatutako gunea da, intereseko habitat katalogatuak dauzkana. Bertan, babestutako hainbat animali espezie daude: sai zuriaren eremu katalogatu kritikoa eta komunitate intereseko hegazti nekrofagoen eremua da Arkamu.
Uztailaren 24ko martxa
Ibilbidea goizeko 9:30etan hasiko da larunbatean, bi irteera puntutatik: Axkoeta (Erriberagoitia) eta Jokano (Kuartango). Lehena, hamaika kilometroko bidea da, eta bigarrena, zortzikoa. Bi orduren bueltan, gutxi gorabehera, Kotorrillo mendiaren magalean batuko dira bi martxak, eta Montemayor mendirako igoera hasiko dute. Bertan, hamaiketakoa egingo dute, eta ondoren, ekitaldi txiki bat daukate prest. Montemayorko tontorrean, Labrazako ordezkariek makila itxurako lekukoa jasoko dute.
Lekuko hori urrira arte egingo diren sei martxetan pasatuko da eskuz esku. Uztailaren 3an Iturrietan egindako lehen ibilbidearen ondoren, Axkoeta eta Jokanotik bira egin eta Labrazan egingo dute hirugarren martxa, abuztuaren 14an. Irailaren 11n Azazetan elkartuko dira, 25ean Cantoblancon eta urriaren 16an Arlaban. Urriaren 23an, manifestazioa antolatu dute Gasteizen.
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]
Meaka-Irimo herri plataformak 3.022 alegazio aurkeztu ditu Eusko Jaurlaritzako Industria sailean, "Trekutz" izeneko proiektuaren aurka. Zera adierazi du: "Meaka-Irimo herri plataforman energia berriztagarriak behar-beharrezkoak direla argi dugu, baina ezin dira... [+]
Arabako Mendiak Askek administrazioarekiko auzi-errekurtsoa jarri du EAEko Auzitegi Nagusian, Azazeta Parke Eolikoaren proiektuaren aldez aurreko administrazio-baimenaren aurka. Horrez gain, Aixeindar SA enpresa sustatzailearen "lege-iruzurra" salatu du,... [+]
"Lurraldearen defentsan lanean ari garen Euskal Herriko hainbat herri mugimenduk eta plataformak gure indarrak, ezagutzak eta ekintzak batu ditugu natura eta landa-ingurunea suntsitzen dituzten makroproiektu andana baten inposaketari aurre egiteko". Hitz horiekin eman... [+]
Green Capital-en matrizea den Capital Energyk berriki aurkeztu ditu Trekutz (Antzuola-Urretxun) eta Buruzaiko (Azkoitia-Azpeitia-Zumarraga) zentral eolikoen ingurumen txostenak, "eta bertan izan genuen lehenengoz erabakiaren berri esplizituki. Ondoren enpresaren... [+]