Arabako makroproiektuak gelditzeko eskatu dute milaka manifestarik Gasteizen
Arabako hamazazpi talde, elkarte eta herri mugimenduk deituta, milaka lagun elkartu dira larunbat arratsaldean Gasteizen, euripean. Bilbo plazatik abiatutako manifestazioak Foru plaza bete du ibilbidearen amaieran. Arabako landa eremua mehatxatzen duten makroproiektu guztien gelditzea eskatu dute (Albistearen amaieran argazki galeria)
Ez da erraza izango, baina gaurko manifestazioa inflexio puntutzat jo dute antolatzaileek. Garoñan nuklearrik ez oihukatu zen aspaldi batean, baita AHTrik ez, Fracking ez, Haize Errotarik ez, goi tentsioko linearik ez ere… Araban luzea da lurraren defentsan eginiko borrokaren historia: Arabako Mendiak Aske eta Aiaraldeko mendiak bizirik, Aramaixo Bizirik, AHTrik ez Lautada eta Arabako Haranak. Lurraren kontrako erasoen neurrikoa.
Izan ere, interes pribatuak, Eusko Jaurlaritza eta Arabako Foru Aldundiaren bidez, Arabako eskualde askok hamarkadetan pairatutako utzikeriaz eta ondoriozko despopulazioaz baliatu dira makroproiektu askoren kokapena lurralde honetan ezartzeko, Arabako herri txikietan erresistentzia txikia topatuko zutelakoan. Ez ba.
Gaur ere, manifestazio handia egin dute Gasteizen. Aurrekoei batu zaizkie UAGA, Bionekazaritza, Horrela ez Argantzun, Gasteiz eta Arabako Haranak, SOS Margarita, Gorbeialdea Defendatu, ATACA (Asociación Treviño y Álava por el campo), elikadura jasangarriaren aldeko mugimendua, Dikerik ez eta Horrela ez Kuartango. Berriz ere kalean topatu dira azken hamarkadetan Arabako eskualde guztietan mobilizatutako nekazariak, baserritarrak eta herrietako pertsonak, interes ekonomiko handien kontra batzuetan galdu, baina beste batzuetan irabazi dutenak.
Amaierako ekitaldian Idoia Zabaletak eta Unai López de Armentiak nabarmendu dutenez, Araban azken urtetan inposatu nahi duten makrproiektuen zerrenda luzea bezain beldurgarria da. Azkena, Solaria nazioarteko enpresak aurkeztu dituen 30 proiektu fotovoltaikoak, zeintzuen eraginpeko azalera, guztira, 4.200 hektarea ingurukoa izango litzatekeen: hau da, Gasteiz osoaren azalera industrialdeak eta aireportua gehituta. Aipatu dute egitasmo berri gehiago ere, Tuestako hamar hektareako tomate-negutegia edo Zaia ibaiko dike proiektua kasu. Proiektu horien kontra 50.000 baino gehiago alegazio aurkeztu zituzten.
Manifestazioan salatu dutenez, “makroproiektu hauekin biodibertsitatearen suntsipen geldiezinaz gainera, laborantza lurren, baso lurren eta larreen desagerpena bizkortzen ari da”. Modu horretan Arabako landa eremuan bizitzeko apustua egin zuten pertsonak eta komunitateak kaltetuz eta “beraien etxe, herri eta lurrak uztera behartuz”.
Proiektuok “beharrezkoak bezala saltzen dizkigute, gardentasunik gabe, informaziorik gabe eta kaltetutako pertsonenganako errespeturik gabe”, azaldu dute, eta guztien geldiaraztea eskatu dute “enpresa handi hauen lurraldearen harrapakaritza” gelditzeko. Administrazioei, “lurralde antolakuntza eta planifikazioarekin jokatzea” eskatu diote, “etorkizuneko belaunaldiek gure lurraldea eguzki panelez, errota eolikoz eta hormigoiz beteta ikus ez dezaten”. Eusko Jaurlaritza eta Arabako Foru Aldundia lurraldearekin espekulatzen ari direla salatu dute, lurraren defentsan aritu beharrean. Azkenik, “gizarte eragile ezberdinei informazio guztia helaraztea” eskatu dute.
Horrela ez
Deitzaileek nabarmendu dute ez daudela energia berriztagarrien kontra. Aitzitik, “autokontsumorako energia berriztagarriak erabiltzea” proposatu dute, eta ez “hemen makro ereduan ekoiztuz, gero Europan saltzeko”. Izan ere, Arabako fotovoltaikoen ekoizpena Repsolen Zierbenako (Bizkaia) instalazioetara eramatea da asmoa, 100 km luzeko goi-tentsioko kableen bidez.
Erakunde eta arduradun politikoei gogorarazi diete “lurraldea, herriak eta landa-ingurunea defendatzen” dituzten herritarrak “gehiengoa” direla eta “pozez eta ausardiaz” jarraituko dutela borrokan “gure etorkizuna eta etorkizuneko belaunaldiena jokoan daudela dakigulako”.
Auzipetuak eta Mozal Legea
Ekitaldiaren bukaeran salatu dute Araba defenda dezagun mugimenduko bost kide auzipeturik daudela agintaritzaren kontrako delitua leporaturik. Beste kide bati, berriz, Mozal Legea aplikatu diote eta asteartean, hilaren 29an, izango du epaiketa.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Arrantza handi eta industriala defizitarioagoa da sozialki, ekonomikoki eta ekologikoki arrantza txikiaren alboan; arrantza txikiak baino dirulaguntza publiko dezente gehiago jasotzen ditu; eta are, soilik laguntza horiei esker bizirauten du. Horixe erakutsi du Frantziako... [+]
"Ekologismo berria indartzen jarraitzeko eta aldaketa posible egiteko" helburuarekin antolatu dituzte. Arrasaten burutuko dira, martxoaren 28an eta 29an.
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Otsailean, neguaren erdigunean gauden honetan, lehentasuna gorputza ondo ureztatua edukitzea da. Intxaurrondoa egiten ari den bezala: sustraiak neguan biltegi gisa erabiltzen ditu, sustrai motz eta lodiak behar ditu, ura eta lurreko mantenugaiak biltzeko.
Txerri-hiltze sasoia da negua. Hotzak beroarena errazago kenduko dio. Guri ere txerriez hitz egiten dugunean beroarena behinik kenduko baligute!
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Gaur egun Lur planetan bizi diren intsekturik handienek 30 cm inguruko tamaina izan dezakete, gizaki baten seiren bat, gutxi gorabehera. Horien artean daude tximeleta eta sits erraldoiak edo kakalardo potoloak. Halako izaki harrigarrien aurrean nola bada erreparatu lau... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
AEBetako Ozeanoko eta Atmosferako Administrazio Nazionalaren (NOAA) ikerketaren emaitza zabaldu du Nature Climate Change aldizkariak: bereganatzen zuen karbono dioxido eta metano kopurua baino gehiago isurtzen du orain tundrak.