Arabako Itzuliak 190 kilometro egingo ditu presoen eskubideen alde
Urriaren 7tik 9ra bitartean, Arabako Itzulia antolatu du Sare Herritarrak. Euskal presoen eskubideen alde eta urruntze politikaren kontra, 190 kilometroko elkartasun bira izango da eta 35 herri baino gehiagotik igaroko da.
"Azken asteetan eskuin muturraren manipulazio eta kriminalizazio saiakeraren objektu izan da euskal presoen eskubideen aldeko mugimendu herritarra. Guzti honen helburua garbia da: azken urte honetan espetxe politikaren baitan izan diren aldaketak oztopatu eta blokeatzea", adierazi du Sarek, azken egunetako polemiken harira. "Etapa berri bati hasiera ematen ari gara: urruntze politika atzean utzi eta euskal preso eta iheslarien etxerako bidea egiteko etapari".
Norabide horretan, Ibilian-ibilian etxerako bidean dinamikaren barruan, Araba ere martxan jarri da. Bi aste barru, Sare Herritarrak antolatutako Arabako Itzuliak lurraldeko 35 herri baino gehiagotik igaroko da, 45 urratsetan, "elkartasunez beteriko" 190 kilometroko ibilbide batean; oinez eta gelditu gabe. Ostegun honetan aurkeztu dituzte ibilbidearen xehetasunak.
Ibilbidea
Urriaren 7an, ostegunean, 14:00etan Aguraindik abiatuko da elkartasun itzulia, Nafarroan aurreko astean egindako biraren lekukoa hartuta. Ondoren, Kanpezuraino abiatuko dira, eta bertan afaldu ostean, Arabako hegoaldea zeharkatuko dute.
Ostiral goizean, hilaren 8an, Trebiñun gosaldu eta Zaballako espetxera iritsiko da martxa, euskal presoen eskubideen aldeko aldarriak espetxe barrutik entzun daitezen. Arratsaldean, Amurrioraino joango dira, eta ekitaldi musikatu bat izango da herriko plazan. Gau horretan, Gorbeialdea zeharkatuko dute Gasteizeraino iritsi arte.
Urriaren 9an, larunbatean, Gasteizen sartuko dira 9:30ean. Bertan, hainbat eragilek Arabako Itzuliaren lekukoa hartuko dute eta Foru Plazan amaituko da ekimena, ekitaldi batekin.
Presoen etxeratzea eta graduen progresioa
Bi dira Arabako Itzuliak izango dituen aldarri nagusiak. Alde batetik, euskal preso guztien euskalherriratzea; bestetik, graduen progresioa. "Hori da datozen hilabeteetan ahalbidetu beharreko bidea", azpimarratu du Sarek.
"Legez, euskal herritarrak diren heinean, zigorra hemengo espetxeetan betetzea baitagokie. Eta gainontzeko presoei ezartzen zaien legedi arrunta jarraituz, zigorraren hiru laurdenak beteak izatean, baimenak eta baldintzapeko askatasuna eskuratzeko aukera izatea. Ez gara inolako pribilegio ez mesederik eskatzen ari. Preso den pertsona oro gisa, euren eskubideak errespetatu eta legea betetzeko eskatzen ari gara", gaineratu dute. "Finean, urteetan indarrean egon den salbuespeneko espetxe politikarekin amaitzera goazela esaten ari gara. Orain arte moduan, zuon guztion indar eta bultzadaz".
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.