Arabako Foru Suhiltzaileek hiru asteko greba deitu dute
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de Álavaren arabera.
Arabako Foru Suhiltzaileek astelehenean hasi dute greba, eta abuztuak 4ra arte izango dela adierazi dute ELAk eta LABek. Hala ere, sindikatuek nabarmendu dute uda osoa hartuko duela, “baldin eta Arabako Foru Aldundia ez bada negoziatzera esertzen langileen egiturazko arazoak konpontzeko”.
Plantilla handitzea da suhiltzaileen eskakizun nagusietako bat. Gaur egun, Arabako parke bakoitzean hiru suhiltzaile daudela azpimarratu dute, eta “eskasa” eta “arduragabea” dela. Lakuak parke bakoitzeko gutxieneko zerbitzuak bi suhiltzaile eta kabo bat direla ezarri duen bitartean, suhiltzaileek eskatzen dute parke bakoitzeko hiru suhiltzailek eta kabo batek egon beharko luketela, Diario de Noticias de Alavak jaso duenez.
Duela zortzi urtetik berritu ez dieten hitzarmen berria ere eskatzen dute. Suhiltzaile Bururik gabe urteak daramatzatela ere salatu dute sindikatuek, eta urte horietan erabakiak hartu dituen Zuzendari-Gerente Alberto Amenabarren kargugabetzea eskatu dute, “kudeaketa txarragatik eta nortasun gatazkatsuagatik”. Horrez gain, langileek salatu dute errefortzuak ez dituztela gutxieneko zerbitzutzat hartzen.
Hala ere, langile bakoitzak bere atseden-egunean bakarrik egingo duela greba informatu du Diario de Noticias de Álavak. Suhiltzaileek gutxieneko zerbitzuen %100 egitea eskatu dute “erantzukizunagatik”, Lakuak zerbitzuen %75 egitea proposatu duen bitartean. Hori dela eta, egunerokoan suhiltzaileen zerbitzua ez da aldatuko, greba atseden-egunean bakarrik egingo dutelako. “Egun batean 24 orduz lan egiten badugu, gero hiru atseden-egun jarraian izaten ditugu. Baina foru agindu berriarekin, udan suhiltzaile bakoitzak jarraian dituen hiru egun libreetatik, bigarrenean erabilgarri egon beharko du, larrialdi batera joan behar badu ere”, azaldu dute suhiltzaileek, egunkari arabarrak jaso duenez. Atseden-eguna ez errespetatzea “onartezina” dela salatu dute, eta inposaketak bertan behera uztea eskatu dute. Inposaketa horiengatik inolako negoziaziorik edo aparteko ordainik ez dagoela esan dute.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.