Arabako zaharren egoitzetako eta eguneko zentroetako egoiliarren senitartekoek bisitak egiteko eta adinekoekin paseatzeko baimen zabalagoak eskatu dituzte Gasteizko Foru Jauregiaren aurrean. Babestuk, senideen eta egoiliarren elkarteak, bere kezka azaldu du Bizkaiko Gizarte Ekintzako diputatuari bidalitako gutun batean.
Arabako zaharren etxeetako eta eguneko zentroetako egoiliarren senitartekoek eguneroko bisitak egin ahal izatea eskatu dute, bai eta adinekoak kalean paseatzera atera ahal izatea ere, isolamenduaren ondorioak oso larriak eta itzulezinak izaten ari direlako, eta COVID-19aren aurrean "ez dagoelako zero arriskurik”.
Senitartekoen talde batek elkarretaratzea egin dute asteazkenean Gasteizko Foru Jauregiaren aurrean, "Gure adinekoen isolamendurik ez", "Normaltasun berria beste guztiek bezala bizitzeko eskubidea", "Gure egoiliarrentzako mugitzeko askatasuna" eta "Isolatutako adinekoa, adinekoa arriskuan" zioten kartelekin. Hedabideei egindako adierazpenetan, bozeramaile batek “egoitzetako langileek egindako ahalegin handia” aitortu du, baina Aldundiaren eta Lakuaren helburu bakarra adinekoak koronabirusez ez kutsatzea dela esan du, eta berdin zaiela nola.
“Zero arriskua ez da existitzen”, azpimarratu dute. Gainera, senideak ez direla "burugabeak" izaten ari azpimarratu du: "Badakigu koronabirusa hemen dagoela, neurri guztiak hartu behar direla". Adinekoei "egunero bisita duinak" egitea eta haiekin paseatzera kalera irtetea baino ez dutela eskatzen azaldu du, ez merkataritza guneetara, ezta jende asko biltzen den guneetara ere.
Azaldu dutenez, egoitzetako egoiliarrek kaletik pasatzen den jendea ikusten dute, eta ez dute ulertzen eurak ere zergatik ezin diren atera. Azkenik, erresidentzia eredua aldatzeko “ezer egin ez izana” deitoratu dute, konfinamenduan zehar entitateak behar hori onartu arren.
Babestu senideen eta egoiliarren elkarteak gutun bat bidali zion astelehenean Sergio Murillo Bizkaiako Gizarte Ekintzako diputatuari, zaharren etxeetako pandemiaren bilakaerari dagokionez "gure kide eta jarraitzaileek helarazten diguten larritasun sakona" jakinarazteko.
Babestuk foru diputatuari gogorarazi dio "Espainiako Geriatria eta Gerontologia Elkartea argi eta zabal mintzatu zela hedabideetan, eta ohartarazi zuela mugikortasuna eta harreman soziala murrizteak ondorio negatibo garrantzitsuak dituela adinekoengan".
"Gaixotasun larriak dituztenak euren senideekin kontakturik gabe hiltzea ezinezkoa izango den bermea nahi dugu. Gure ustez, ezinbestekoa da adinekoei beren bizitzaren amaieran laguntzea, baina azpimarratu nahi dugu, halaber, heriotzan bezain garrantzitsua dela haien bizitzan laguntzea ", dio eskutitzak.
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Iraultza txikien akanpadan parte hartu nuen uztailean, zaintzari buruzko hausnarketa egiteko. Mahaiaren inguruan bost emakume eseri ginen: Arabako etxe- eta zainketa-langileen elkarteko Laura eta Shirley; Denon bizitzak erdigunean taldeko Paula eta Ainhoa; eta Kukuso taldeko... [+]
Donostiako La Paz egoitza Mondragon taldeko GSR kooperatibak kudeatzen du, Egiako auzoan. Hain goiz esnatzeak adinekoentzat lan karga handiagoa eta arreta okerragoa ekartzen du.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maria Josefari alzheimerra diagnostikatu ziotenetik ahizparen eta alabaren artean zaintzen dute; gaixotasunak eragindako beldurrez, zailtasunez eta zamaz mintzatu da Maite, Maria Josefaren alaba.
Euskal Herriko Emakume Migratu Feminista Zaintzaile Soziosanitarioen Elkarteko kidea da Soraya Agirre. Berak orduka egiten du lan zaharrak zaintzen, baina elkarteko %90 egoiliarrak dira, zaintzen duten zaharraren etxean bizi direnak. Alokairua lortzeko eta lan baldintzak... [+]
Boomer belaunaldi deritzonak populazioaren piramidea buruz behera jarriko duela diote aurreikuspenek. Bizi-itxaropenaren luzapena dela eta, 1949-1968 urteen artean izandako jaiotza-tasa altuek piramidearen goialdea borobilduko omen dute datozen urteotan. Duela hilabete inguru... [+]
Berdintasun Ministerioak Estatuko Zainketen Estrategia martxoaren erdialdean aurkeztea aurreikusten du, Gizarte Eskubideen Ministerioarekin lankidetzan. Legegintzaldia amaitu aurretik, alderdi aurrerakoiek zaintza-sistemaren ibilbide-orria ezagutarazi nahi dute. Gaiari... [+]
Prentsaurrekoa egin dute Bizkaiko Emakumeen Asanbladaren egoitzan jasaten duten egoera bortitzaren berri emateko. Zapalkuntza esparruak anitzak izan arren, etxebizitzaren alorrean zentratu dute aldi honetan irakurketa: "Arrazakeria dela, klasismoa, pobrezia, etxebizitzaren... [+]