Arabako Bertsolari Txapelketa hasiko da astebukaeran
Lantenon eta Elosun izango dira Arabako Bertsolari Txapelketako lehen bi saioak. Mahai bueltako saioak izango dira lehen fasean, bertso afari edo bazkariak.
Lantenon jokatuko da lehen kanporaketa ostiral gauean. Asier Otamendi, Xabi Igoa, Unai Mendibil, Irati Anda, Maria Izaga eta Orlando Arreitunandia lehiatuko dira Nieves del Alama gai-jartzaile dutela.
Igandean Elosun egingo da bigarren kanporaketa bazkalostean. Lehiatuko diren bertsolariak Iñaki Viñaspre Alberto Martinez, Rikardo G. de Durana, Paula Amilburu , Maialen Saez de Okariz eta Xabi Lopez de Santiago izango dira eta gai jartzaile Nagore Irazabal izango dute.
Afari edo bazkarietan izena emateko 675707971 telefono zenbakira deitu edo araba.sustapena@bertsozale.com helbidera idatzi.
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.