Zapatari kalean dago Arabako euskarazko hedabidearen egoitza berria. Harpidetza berriak lortzeko kanpaina ere abiatu du, Zero kilometro, batzen gaituen distantzia lelopean.
Iragan ostegunean estreinatu zuen egoitza berria Arabako Aleak, langileak, kolaboratzaileak eta gertuko lagunak batu zituen ekitaldian. Alearen alde topa eginez eman zioten amaiera inaugurazioari. Lantokiarekin batera, logoa eta irudi korporatiboa ere berritu ditu Araba mailako euskarazko hedabideak.
“Landare bati begira geratzen bagara, nekez ikusiko dugu aldaketarik, ez dugu inondik inora hazten ari denik ere antzemango. Kontrara, toki egokian kokatuta eta behar dituen zaintzak eskainita, konturatu orduko, atzean utziko du hasiera batean antzemandako ahultasuna”, azaldu du aldaketen berri emanez Aleak zabaldutako Loratu arte idatziak. 2015ean jaio zen Alea, eta urtez urte proiektua sendotzen doa.
Komunitatearen bultzada
Egoitza eta irudi berritzearekin batera, “Aleakide” berriak lortzeko kanpaina ere abiatu du Aleak, Zero kilometro, batzen gaituen distantzia lelopean. “Arabako euskaltzaleen bultzadari esker sortu zen ALEA 2015ean, euskara hutsean garatutako kazetaritza proiektu bat abian jartzeko asmoz. Pixkanaka aurrera egiten jarraitzen dugu, baina luze eta zabal hedatu ahal izateko beharrezko dugu gure komunitatearen bultzada”, azaldu dute.
? Zero kilometro, batzen gaituen distantzia. Ale bakar batek lurralde oso bat erein dezakeelako, elkarren babesean bazter guztiak loratu arte.
?? Izan zaitez ALEAkide! ? https://t.co/ng9rrigZKP pic.twitter.com/C4jE24y5t4
— Arabako ALEA (@ArabakoALEA) June 1, 2022
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.