Araba Euskaraz 2020 gosez, sortzaileak eta herritarrak asez
Urriaren 17an eta 18an Amurrio Antzokian botako du Aresketa Ikastolak aurtengo Araba Euskarazeko azken traka. Ahotsenea eta tokiko sortzaileen eskutik, kontzertu eskaintza zabala prestatu dute.
Urriaren 18an ekimen berezi batekin piztuko dira 2020ko Araba Euskarazeko azken txinpartak Amurrion. Izan ere, Durangoko Azokan urtero egin izan den Ahotsenea guneak Euskal Herriko lau txokotan botako ditu sustraiak; Amurrio horien artean.
Aresketa Ikastolak "Darabagu" lemapean antolatutako dinamiketan azkena izango da datorren asteburukoa. Ez edonolakoa, ordea. Urte osoan zehar kultura, hezkuntza eta euskararen ekosisteman murgilduta aritu dira, eta "festa" batekin emango diote amaiera aurtengo egitasmoari.
Larunbatean, tokiko sortzaileak nagusi
Amurrio Antzokian izango da hitzordua, urriaren 17an eta 18an. Larunbatean Araba Euskarazeko abesti eta bideoklipean parte hartu duten sortzaile batzuen emanaldia egongo da: Sabin Guaresti, Aiala Mendieta eta Bad Sound, hain zuzen.
18:30ean hasiko da kontzertua Amurrio Antzokian eta, Aresketa Ikastolako kideek adierazi dutenez, 20-30 minutuko kantu saioak izango dira. Talde aldaketen tarteetan emakume bertsolariek josiko dute saioa, eskualdeko bertso eskolakoekin eta Ane Labaka Mayoz zein Oihana Bartra Arenasekin.
Urriaren 18an, egun osoko jaialdia
Igandean, berriz, Ahotsenea proiektuak jantziko du Amurrioko oholtza. Araba Euskarazekin elkarlanean 8 musika talderen aurkezpenak egingo dituzte. 11:00etan izango da lehenbiziko kontzertua, eta 14:00ak arte iraungo du goizeko txanpak. Arratsaldean, berriz, 16:00etatik 20:00etara luzatuko da egitaraua.
Amurrio Antzokiko ekitaldietarako sarrerak www.arabaeuskaraz.eus webgunean erreserbatu beharko dira, eta maskara derrigorrezkoa izango da
COVID-19 birusak eragindako pandemiaren ondorioz, ordea, segurtasun eta osasun neurriak bete beharko dira. Hargatik, aforoa mugatua izango da. Txartelak www.arabaeuskaraz.eus webgunean erreserbatu beharko dira, eta pertsona bakoitzak aulki bakarra izango du egun osorako. Segurtasun distantzia bermatzeko, txandaka gozatu ahalko da emanaldiaz, beraz. Ildo beretik, derrigorrezkoa izango da maskaren erabilera, eta areto barruan behin egonda ezingo da saioa bukatu arte aulkitik altxatu.
Ondorengoak dira bertaratuko diren taldeak: Kyxo, Otuz, Deiedra, La Rekba, Hook, Basaki, Sorkari eta Perlata. Aiaraldea Hedabideak zuzeneko emisioa eskainiko du webgunean, Araba Euskarazen streamingari esker.
Koronabirusak euren hasierako asmoa nabarmen baldintzatu duen arren, jarduera ugari garatu dituzte azken hilabeteetan Aresketa Ikastolako kideek. Esate baterako, "Bazen behin Darabagun..." ipuin kontaketa katea osatu dute.
Lehenengo Araba Euskaraz egin zenetik 40 urte bete diren honetan, Trebiñuko Argantzun ikastola izango du ardatz aurtengo jaialdiak, ekainaren 19an. “Zortzi ikastola gara Araban, Ikastolen Elkartearen baitan bildurik. Zortziak bat egingo dugu, Argantzun ikastolaren... [+]
Aiaraldea.eus-ek ekainaren 21ean Laudion egindako Araba Euskarazen kronika jaso du. Horrez gain eguna argazkitan eta bideoan jaso du.
Kultur sortzaileak Durangoko Azokatik Euskal Herriko plazetara gerturatuko ditu Ahotseneak, Amurriora tartean. Urriaren 18an izango da eskualdeko emanaldia, Aresketa Ikastolak antolatutako Araba Euskaraz ekimenaren baitan.
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Udaberriko ikastolen jaiak atzeratuko dituela iragarri du Ikastolen Elkarteak. “Saminez” hartutako erabakia izan dela adierazi du, baina uneotan "gizateria eta gizarte mailako beste lehentasun batzuk" dituela, eta egoera orokorra aldatu arte ezingo duela... [+]
Armentia ikastolak antolatuko du Arabako ikastolen jaialdia ekainaren 16an eta gizarte eta kulturako eragileen aurrean aurkeztu dute, Europa Jauregian. Kultur egitasmoa urte osora zabaltzeko apustua egiten ari direla iragarri dute.
Araba Euskaraz jaialdiaren 38. edizioa antolatzearen arduraduna Argantzon ikastola da eta Irrikitan izan da aurtengo leloa. Garrantzi berezia eman diote Trebiñun euskara ikasteari.
Ekainaren 17an izango da “Irrikitan” izenburupean Araba Euskaraz Trebiñu barrendegian. Hirugarren aldiz antolatuko du Argantzon Ikastolak Araba Euskaraz. Adabakia deitzen diote trebiñuar askok beren konderriari, administratiboki Burgos baita, eta... [+]
Ekainaren 17an ospatuko dute Araba Euskaraz Argantzunen. Bertako ikastolak Manzanosen duen Lehen Hezkuntzako eraikina ordaintzen laguntzeko baliatuko dute jaia.
Bero handiarekin, baina giro apartan, ospatu dute Arabako ikastolen jaia, Bastidan. 30 gradutik gorako tenperaturak ez dira oztopo izan, eta milaka lagun hurbildu dira gaurkoan Bastidara, Arabako ikastolen jaia ospatzeko.
Bereziki ezagutza altua den taldeetan erabilera indartzea da helburu nagusia, Leire Sueskun Arabako Errioxako euskara teknikariaren arabera; esparru desberdinetara heltzeko, "baliabide gehiago" eskatu ditu.
Wow!, lelopean, Bastidan dugu aurten Araba Euskaraz, ekainaren 18an. Bastidan, beste behin, lehen ere lau aldiz hartu baitu herriak Arabako ikastolen jai nagusia. Hamar gela, hamahiru irakasle eta 165 ikasle dira gaur egunean Bastida Ikastolan eta, beharbada, errealitate hauxe... [+]
Ohiko azterketen eta noten ordez, irakasle eta ikasleak elkarrekin ebaluatzen ikasten ari dira San Bizenten, aurtengo Araba Euskaraz antolatu duen Oiongo ikastolan. Ikasleak ardurak hartzen ari dira ikaskuntza prozesuan, eta irakasleek norabide berean egiten dute arraun.