Apustu etxeentzako lizentzia berririk ez du emanen Iruñeko Udalak urtebetez
Iruñeko Udaleko Tokiko Gobernu Batzarrak astelehenean onartu du apustu-etxeetarako, joko-aretoetarako eta bingoetarako obra-lizentziak eta irekiera-lizentziak hamabi hilabetez etetea.
Horrez gain, udalerrian mota horretako establezimenduek gaur egun duten egoerari buruzko azterketa bat hastea adostu du, baita horri buruzko hirigintza-araudiaren balizko aldaketa bat aztertzea ere.
Iruñeko Udalak ohar batean adierazi du hainbat direla neurri hori hartzera eraman duten arrazoi sozial eta administratiboak. Batetik, "alarma soziala", horrelako establezimenduen ugaritzearen eta jokoaren eragin adiktiboaren aurrean. Bestetik, lokal horien erregulazio berri bat ezartzeko beharra. Eta, azkenik, Nafarroako Gobernuak joan den urriaren 30ean hartutako erabakia, hots, Foru Erkidegoan establezimendu berriak irekitzeko baimenen emakidak sei hilabetez bertan behera uztea, araudi aldaketa bat aztertzeko.
Bi administrazioak, bai Foru Gobernua bai Udala, eskutik doaz gai honetan, eskumen konkurrenteak baitituzte. Foru Exekutiboak jardueraren aurretiko baimena ematen duen bitartean, udalak dira obra eta irekitze lizentziak emateko ahalmena dutenak. Horrela, horrelako lokal bat ustiatu ahal izateko, beharrezkoa da bi administrazioen lizentziak izatea, baina lizentzia horiek independenteak dira bata bestearengandik. Horregatik, foru gobernuak onartutako etenduraren aurrean, gerta zitekeen lokal batek udal lizentziak izatea, baina ezin irekitzea, aldez aurretik jarduera baimenik ez zuelako.
Hori da, hain zuzen ere, Iruñeko Udalak etenaldi hori erabaki izanaren arrazoietako bat, lizentziak ez emateko modu bat, gerora autonomiaren etorkizuneko erregulazioaren aurkakoak izan zitezkeenak. Ildo horretan, beharrezkotzat jotzen du Nafarroako Gobernuaren erregulazioa ezagutzea, hirigintza araudi koordinatua ezarri ahal izateko.
Udal Plana eraberritzea
Joan den irailaren 11n aurkeztu zuen EH Bilduren udal-taldeak, arau-proposamen gisa, apustu-etxeak eta joko-lokalak arautzeko ordenantza-proposamen bat eta ludopatiaren prebentziorako neurrien proposamen bat. Proposamenak hirigintzako alderdiak eta publizitateari, babesletzari eta adikzioak prebenitzeko neurriei buruzko beste alderdi batzuk jasotzen zituen.
Ekimen horri buruzko aurretiazko kontsulta-prozesu bat egin zen inplikatutako eragileekin (ludopatia-elkarteak eta apustu-etxeen enpresak), eta ekarpenak jaso ziren, orain hasiko den erregulaziorako oinarri izango direnak.
Hirigintza Batzordeak urriaren 23an, aho batez, “Udalari lizentziak ematea eteteko espedientea aztertzeko eta, hala badagokio, hasteko eskatzea” onartu zuen, hirigintza arautzeko proposamena tramitatu bitartean. Era berean, Nafarroako Gobernuarekin eta foru parlamentuko lantaldearekin modu koordinatuan lan egitea adostu zuen alor horretan neurriak hartzeko orduan.
Hala ere, proposamen horretan planteatzen zen lizentzien etetea ezin da ordenantza bidez egin. Horregatik, Udalak hiriko erabilera eta jardueren ezarpena arautzen duen Udal Planaren Hirigintza Araudi Orokorraren erreforma planteatu du, proposamen horri erantzuteko.
Gainera, zerbitzu juridikoek hirigintza-araudi berriari hasierako onespena eman aurretik lizentziak etetea babesten dute, gehienez ere urtebetez; epe hori bi aldiz luzatu ahal izango da, baldin eta lehen epe horretan hasierako onespena ematen bada. Aurretiazko etete hori hirigintza-araubide berria bermatzeko kautelazko neurri bat baino ez da. Tokiko Gobernu Batzarra da erabaki hori hartzeko organo eskuduna, astelehen honetako bilkuran egin duen bezala.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.