Apustu etxeen aurkako plataforma bat sortu dute Iruñeko Arrotxapea auzoan
Asteazkenean, arratsaldeko 19:30ean, hitzaldi bat eskainiko dute Aralar elkarteko kideekin, eta datorren astelehenean, berriz, apustu etxeen aurkako elkarretaratzea egingo dute, arratsaldeko 20:00etan, Oblatasen.
Beste zenbait auzotan bezala, Arrotxapean ere bizilagunak apustu etxeen aurka batu dira, eta oraingoan urrats bat gehiago egin dute, eta plataforma bat sortu dute, hemeretzi kolektiboren artean.
Auzo horretan dagoeneko bost apustu etxe daude, eta beste bat zabaltzeko lizentzia dago dagoeneko. Plataformak horien aurkako jarrera mahaigaineratu du, eta salatu du ez dela “kasualitatea” auzo langile eta bizi batean halakoak hedatzea.
Apustu etxeen jabeak eta instituzioak egin ditu horien erantzule, eta horiei modu kolektiboan aurre egitera dei egin die bizilagunei: “Izan gaitezen gu, auzokideok, hauen ateak ixtea lortzen dugunak; modu kolektiboan egin diezaiokegu aurre gaitz honi”. Beste aisialdi eredu mota batean sinesten dutela adierazi dute, “auzotik eta auzokideentzat egina, alternatiboa, kritikoa, sortzailea, inklusiboa, feminista, osasuntsua…”.
Administrazioari, berriz, eskatu diote, apustu etxeak zabaltzeko lizentzia gehiagorik ez ematea, emandako lizentziak ezeztatzeko dauden aukera guztiak bila ditzala, apustuen aldeko publizitatea kendu dezala, apustuekiko menpekotasuna saihesteko plan integral bat sor dezala eta aisialdi osasuntsu baten inguruko heziketa landu dezala.
Plataformaren ibilbidearen lehen bi urratsak hitzaldi bat eta apustuen aurkako elkarretaratze bat izango dira. Hitzaldia Aralar elkarteko kideek emango dute, asteazkenean, arratsaldeko 19:30ean, igerilekuko polikiroldegian. Datorren astelehenean, hilaren 16an, berriz, elkarretaratzea egingo dute, arratsaldeko 20:00etan, Oblatasen.
Azkenik, astearte arratsaldean, Iruñerriko hainbat auzoko apustu etxeen aurkako plataformak biltzen dituen plataforma bat aurkeztuko dute, arratsaldeko 19:00etan, Plazara zentroan.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.